"Uyghurning orni nede?" namliq kitabning 3-4-tomliri türkiyide neshrdin chiqti

Muxbirimiz erkin tarim
2017-02-19
Élxet
Pikir
Share
Print
"Uyghurning orni nede?" namliq kitabning 3-tomi
"Uyghurning orni nede?" namliq kitabning 3-tomi
RFA/Erkin Tarim

Tonulghan obzorchi sidiqhaji rozi ependi yazghan "Uyghurning orni nede?" namliq eser istanbul teklimakan Uyghur neshriyati teripidin neshr qilindi. Bu kitab jem'iy 4 tomdin terkib tapqan bolup, 3-4-tomi 2-ayning ayning 17-küni türkiyide resmiy tarqitilishqa bashlidi.

Bu eserning 3-tomining béshida sidiq haji rozining terjimihali bilen dunya Uyghur qurultiyi re'isi rabiye qadir xanimning etrapliq terjimhaligha orun bérilgen. Kitabqa tonulghan obzorchi sidiqhaji rozi yazghan 77 parche obzor kirgüzülgen. Kitab 257 bet bolup, mezkur kitabtiki maqaliler aptorning 1999-yilidin 2002-yilighiche bolghan ariliqta yazghan eslime, Uyghurlarning kélechiki, xelq'ara munasiwetler heqqide tehlil we aptor özi we Uyghur milliy herikitining yolbashchisi rabiye qadir xanim heqqide yézilghan obzorlar we siyasi mezmunlarni öz ichige alghan maqaliliridin ibaret.

"Uyghurning orni nede?" namliq kitabning 4-tomi 260 bettin terkib tapqan bolup, mezkur kitabqa obzorchi sidiqhaji rozining 2002-yilidin 2005-yili 3-ayning 17-küni rabiye qadir xanim türmidin chiqip washin'giton'gha bérip bala-chaqiliri bilen jem bolghandin kéyin élan qilghan bayanati bilen axirlashqan 107 parche obzori kirgüzülgen.

Biz kitab heqqide tepsiliy melumat igilesh üchün kitabni neshr qilghan teklimakan Uyghur neshriyati mes'uli abdujélil turan ependi, istanbul zeytinburnudiki Uyghur kitabxanisida ishlewatqan memet tursun ependi we sidiqhajining burunqi eserlirini oqughan sabiq oqutquchi wolqan bughra ependiler bilen söhbet élip barduq.

Abdujélil turan ependi bu eserning qimmiti heqqide toxtilip, 1999-yilidin 2005-yilighiche Uyghurlar we rabiye qadir xanimni qutquzush üchün amérikida we dunyaning herqaysi jaylirida bolghan weqelerge oxshash mesililer we bilinmigen bezi mesililerni we dunya Uyghur qurultiyi bashliqi rabiye qadir xanimning türmige kirishtin burunqi hayati heqqide melumat igisi bolushni xalighanlar üchün intayin muhim bir eser ikenlikini tekitlidi.

Memet tursun Uyghur ependi sidiqhaji rozining yéngi chiqqan kitabini Uyghur kitabxanisida sétishqa bashlighanliqini, mezkur kitabning 1-2-tomliriningmu sétiliwatqanliqini bayan qildi.

"Uyghurning orni nede?" namliq kitabning 4-tomi
"Uyghurning orni nede?" namliq kitabning 4-tomi RFA/Erkin Tarim

Ilgiri Uyghur diyarida bir mezgil oqutquchiliq qilghan we hazir türkiyede yashawatqan wolqan bughra ependimu bu kitabni oqughandin kéyinki öz tesiratlirini otturigha qoydi.

Memet tursun ependi zeytinburnudiki sutuq bughraxan kitabxanisi toghrisida melumat berdi.

Jélil turan ependi "Uyghurning orni nede?" namliq eserning 1-2-tomlirining 2010-yilida neshr qilinip, dunyaning herqaysi jaylirida tarqitilghanliqini bayan qildi.

Toluq bet