Xitayning armiyini qudret tapquzush pilani we riqabet

Muxbirimiz gülchéhre
2016-08-01
Share
qeshqer-saqchi-herbiy-uyghur-qarshiliq.jpg Kocha charlawatqan xitay qoralliq küchliri. 2014-Yili 3-mart, qeshqer.
Imaginechina

Xewer menbeliride körsitilishiche, nöwette xitay kompartiyisi merkiziy komitétining bash sékrétarliq, dölet re'islik we merkiziy herbiy ishlar komitétining re'islikidek hoquqlarni yüksek derijide merkezleshtürgen shi jinping, dölet mudapi'e we armiye islahatini élip barmaqta.

B b s agéntliqining " Maliye waqti" géziti maqalisining tehlili asasida yézishiche, shi jinping élip bériwatqan herbiy islahat xitayning 1949-yilidin buyanqi bir qétimliq omumyüzlük herbiy islahati bolup, armiyening eng aliy qomandanliq hoquqi shi jinpingning qoligha merkezleshken. Qurulma jehettinmu özgertish élip bérilip, burunqi yette chong herbiy rayon hazir beshke qisqartilghan.

Xitay Uyghur rayonigha tesis qilghan shinjang herbiy rayonimu bu yil féwralda xitay azadliq armiyisi quruqluq qismining biwasite bashqurushigha ötküzüp bérilip, mu'awin chong herbiy rayonluq salahiyetke érishken.

Xitayning " 1-Awghust" armiye bayrimi küni munasiwiti bilen otturigha chiqiwatqan xitay metbu'atliridiki teshwiqatlarda barliq ofitsér - eskerlerning "Qoral méning gépimni anglaydu, men partiyening gépini anglaymen" dégen qesemyadni ijra qiliwatqanliqi sherhilenmekte.

Xitaydiki bu qétimliq herbiy islahatining qandaq éhtiyajda meydan'gha chiqqanliqi we uning bu nishani bilen riqabetlik mesililer toghrisida hazir shiwétsiyede yashaydighan, siyasiy analizchilardin biri dilshat rishit ependi, türkiyediki istratégiye tetqiqatchiliridin doktor erkin ekrem ependiler öz tehlil we qarashlirini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet