йеңи әвлад хитай рәһбәрлик қатлиминиң вәкили ши җинпиңниң һакимийәтни игилишидин кейинки хитайниң кәлгүси вәзийити, болупму әң муһим һесаблинидиған сиясий ислаһат мәсилиси хәлқара җәмийәт вә хитай хәлқи йеқиндин диққәт қиливатқан нуқтилардур.
бо шиләй вәқәси вә арқидин ши җинпиңниң үч һоқуқни бирақла игилиши чәтәлләрдики хитай демократик партийә-гуруһлири вә өктичи зиялийлири арисида хитайниң кәлгүси сиясий вәзийити,җүмлидин демократийлишиши мәсилиси һәққидә түрлүк бәс-муназирә, тәсәввур һәм тәхминләрниң мәйданға келишигә сәвәб болди.
31-март вә 1-апрел күнлири штаби америкиға җайлашқан хитай сотсиял демократлар партийиси ню-йорк шәһиридә өзиниң 3-қурултийини ачқан һәмдә башқа демократик партийә вә гуруппилар билән диалог вә сөһбәт паалийити өткүзгән болуп, бу паалийәткә уйғурларға вакалитән америка уйғурлири бирликиниң муавин рәиси илшат һәсән әпәндиму қатнишип, уйғур мәсилилирини тонуштурди.
аваз улинишидин, мухбиримизниң илшат һәсән әпәнди билән өткүзгән бу һәқтики сөһбитини аңлайсиләр.