Teywendiki yighinda zorawanliqqa tayanmastin hökümetke qarshi turushning yolliri muzakire qilin'ghan

Ixtiyariy muxbirimiz erkin tarim
2014.04.30
teywen-yighinda-zorawanliqqa-qarshi.JPG Zorawanliqqa tayanmastin hökümetke qarshi turushning yolliri muzakire qilin'ghan yighindin körünüsh. 2014-Yili 23-aprél, teywen.
RFA/Erkin Tarim

23-Aprél künidin 27-aprél künigiche teywenning paytexti teybéyde ötküzülgen9‏-qétimliq “Étnik topluqlarning yash rehberlirini terbiyilesh kursi” da zorawanliqqa tayanmastin hökümetke qandaq qarshi turush toghrisida muzakire élip bérildi.

Amérika qoshma shtatlirida pa'aliyet élip bériwatqan “Puqralar küchi” namliq ammiwi teshkilatning uyushturushi bilen ötküzülgen yighin'gha Uyghur, tibet, mongghul, xitay démokratliri we teywenliklerdin bolup köp sanda kishi qatnashqan. Uyghurlardin dunya Uyghur qurultiyi mu'awin re'isi ilham mexmut ependi, yawropa sherqiy türkistan birliki re'isi enwer jan ependi, amérikiliq Uyghur adwokat nuri türkel ependi we en'gliyelik Uyghur mutexessis enwer toxti ependiler yighinda söz qilghan. Yighinda xitay hökümitining xitay xelqige, shundaqla tibet, Uyghur we mongghullargha élip bériwatqan bésim siyasiti anglitilghandin kéyin, zorawanliqqa tayanmay turup buninggha qandaq qarshi turush toghrisida muzakire élip bérilghan.

Yighin'gha ishtirak qilghan dunya Uyghur qurultiyi mu'awin re'isi ilham mahmutning éytishiche, yighinda teywen parlaméntigha bésip kirip héchqandaq shiddetke tayanmay naraziliq pa'aliyiti élip barghan teywenlik uniwérsitét oqughuchiliri shiddetke tayanmay turup hökümetke qarshi qandaq naraziliq pa'aliyiti élip bérish toghrisida melumat bergen.

Yighinning axirida ortaq qarar maqullan'ghan bolup, qararda xitay hökümitining bésim siyasitige qarshi Uyghur, tibet, mongghul, falunggong we xitay démokratlirining xitay hökümitige qarshi qandaq hemkarliq élip bérishi kéreklikige orun bérilgendin sirt, Uyghur mesilisigimu alahide orun bérilgen.

Bu heqte tepsiliy melumat élishni xalisingiz bu yighin'gha qatnashqan d u q mu'awin re'isi ilham mexmut we yawropa sherqiy türkistan birliki re'isi enwer jan ependiler bilen élip barghan söhbitimizni anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.