Ху җинтав америкиға зиярәткә келишниң алди-кәйнидә

Ху җинтав вашингтонға йитип кәлгүчә сиясий кәйпият бир аз җиддийләштиму? бир тәрәптин қариғанда, америка ху җинтавни юқири дәриҗидә күтүвелишқа тәйярлиқ қилған болса, йәнә бир тәрәптин һәр хил пурсәтләрдин пайдилинип, хитайниң ағриған йеригә туз қуйғандәк болди.
Обзорчимиз сидиқ һаҗи рози
2011-01-21
Share

Униң үстигә өктичи партийиниң вә консерватипларниң бирликтә ху җинтавниң дөләт ишлар зияритигә қилған һуҗумлири, зиярәткә бир аз тәм қошуп қойғандәк билинди. 13Йил дәп һесаблиғанда, хитай рәһбәрлири тунҗи қетим америкида дөләт ишлар зияритидә болған һесаблиниду. Лекин, хитайлар төт йилда бир қетим дәп аташни мақул көрди.

2006-Йили ху җинтав америкини зиярәт қилған, бу зиярәтни дөләт ишлар зиярити дәп атиған. Лекин, америка тәрәп бу қетимқи зиярәтни "рәсмий" зиярәт дәп атиған иди. Пәрқ шу йәрдики, 2006-йили америкида ху җинтавға дөләт зияпити берилмигән.

Бу қетим ху җинтавға дөләт зияпити орунлаштурулупла қалмай, президент обама, ху җинтавға аиливи күтүвелиш зияпитиму орунлаштурупту. Ху җинтав вашингтонға йитип келиш биләнла, президент обаманиң өйигә кәчлик зияпәткә тәклип қилинипту. Ху җинтав тәрәптин икки нәпәр киши рәискә һәмраһ болуп, америка тәрәптин икки нәпәр киши президент обамаға һәмраһ болуп аиливи зияпәткә қатнишипту. Буниңдин бурун "бошүн" тор бетигә язғучилар, вашингтонда берилидиған аиливи зияпәт, чикакода берилидиған аиливи зияпәт бикар қилинди дәп ялған хәвәр тарқатқан иди. Бу хәвәрниң тарқитилиши еһтимал ху җинтав зиярәткә келишниң һарписида вашингтонда көрүлгән азрақ җиддий сиясий кәйпиятқа мунасивәтлик болса керәк.

1-Айниң 19- күнигә кәлгәндә президент обаманиң, ху җинтавға аиливи зияпәт беридиғанлиқи рәсмийләшти. Зияпәткә америка тәрәптин дөләт ишлар катипи һилари ханим. Дөләт бихәтәрлики мәслиһәтчиси донилун қатнашти. Хитай тәрәптин ху җинтавға һәмраһ болуп ташқи ишлар министири яң җечи, дөләт комиссари дәй бинго қатнашти. Буниңдин қариғанда аиливи зияпәткә президент обаманиң қаттиқ күч чиқарғанлиқини көрүвалғили болиду.

Ху җинтав зиярәткә келиштин бурун, америка һөкүмитиниң ичидики, хитай билән берип-келиши интайин қоюқ болған уч нәпәр министирниң алдинқи сәпкә чиқип, юмшақ вә қаттиқ васитиләрни ишлитип сөзлигән нутқи, сиясий кәйпиятни бир аз җиддийләштүрүп қойди болғай. Мәсилән, малийә министири гейтнир пул курси мәсилисигә аит тохталди. Әмма, сода министири лу җяхуй йеңи сиясий ибариләрни ишлитип,"җуңго вәдисидә турмайду, чүнки тохтам имзалайду. Лекин, қанун турғузмайду, қанун турғузғандиму иҗра қилмайду" дәп көрсәткән.

Һәммидин диққәткә сазавәр бир тәрәплири шу болдики, 2011-йили 1-айниң 20-күни "довий ахбарати" торида елан қилинған" алаһидә хәвәр: хитай, америка мунасивити нормаллашқан йеңи йил " мавзулуқ мақалидә, аиливи зияпәткә биллә қатнашқан дөләт бихәтәрлики ярдәмчиси там донилун әпәндиниң "бу қетимқи аиливи зияпәт адәттин ташқири болди, айрим кичик сорунда көңүлдикидәк сөһбәтләшкили болидикән" дегәнликини тилға алди. Йәнә бир тәрипи шуки, хоңкоң "сумруқ "телевизийисиниң астидин чиқип туридиған хәттә, ху җинтав америкиға зиярәткә беришниң һарписида 17- күни немә үчүндур, ташқи ишлар министири яң җечи вәдә бойичә москваға, ташқи ишлар министири равлопқа телефон берип, икки дөләт мунасивитигә өз-ара көңүл бөлидиғанлиқини тилға алди. Йәнә шу телевизийә 18- күни хәвәр тарқитип, ху җинтав вашингтонни зиярәт қилип қайтип кәлгәндин кейин, дәй бинго москваға берип бу қетимқи зиярәтни доклат қилиду, деди. Немә ишлар бу ? һазирғичә, президент обама билән 8 қетим учрашқан рәис ху җинтав, немишқа бу қетимлиқ вашингтон зияритини москваға доклат қилидиған болуп қалғанду?

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт