Улар әркинлик үчүн җәң қилди

Әрәб ислам дуняси әркинлик үчүн , мустәбит һакимийәтләрни ағдуруш үчүн ойғинип кочиға чиқип намайиш қилғандин башлап мисирда президент мубарәк ақиланә һаләттә тәхттин чүшти.
Обзорчимиз сидиқ һаҗи рози
2011.08.23

Сүрийидә намайишчиларни бастуруш һазирғичә давамлишиватиду. Сүрийиниң президенти асад бихәтәрлик қисимлири узунға созулған 5ай ичидә намайишчиларни бастуруш җәһәттә илгириләшкә еришти,дәп өзиниң намайишчиларни бастуруш сияситини ақлиди. Мана бу хитайға охшаш мустәбитниң өзиниң бастуруш сияситини ақлишидур. Қариғанда асадниң тәқдири казафийниң тәқдири билән охшаш болуп қалидиғандәк көрүниду.

Ливийидә башланған ички уруш 6 ай давамлишип казафийниң мустәбит һакимийитини ағдуруп , өктичи қораллиқлар пайтәхт триполиға ғәлибә билән кирип кәлди. Казафий туюқсиз ғайиб болди.Казафий һакимийитиниң йимирилишидә нато худди босинийә, косовада иҗабий рол ойниғандәк, иҗабий рол ойниди.

Ливийә хәлқи әркинлик үчүн қолиға қорал алди. Әркинлик издәп қоралдин оқ атти. Ливийидә әркинлик билән бир тал оқ мәнидаш болуп қалди. Ливийә өктичилири казафнийиң 42 йиллиқ мустәбит һакимийитини ағдуруп ташлиди.

Қораллиқ өктичиләр пайтәхт триполиға йеқинлашқансери газ турубилирини, нефит турубилирини партлитип казафий һакимийитигә иқтисади җәһәттә зәрбә беришни биринчи орунға қойди.

Ички уруш тарихтин бери һәр қайси дөләтләрдә йүз берип кәлгән. Һәр қандақ уруш иқтисадни упритиш ролини ойнайду. Һазир ливийидә өктичиләр иқтисади нишанни йоқ қилиш билән пайтәхт триполини қоршавға алди.

Ливийиниң өктичи қораллиқ қисимлири һәм натониң һәрбий қорал-ярақ ярдимигә еришти һәм ливийә өктичилири уруш арқилиқ ливийә һөкүмәт армийисиниң қораллирини тартип елип, өзиниң қораллиқ күчлирини қоралландуруп уруш қилди. Ливийидә өктичи қораллиқларюшурунуп йүрүп уруш қилғудәк орманлиқлар вә тағлар йоқ иди. Гизи кәлгәндә бир дүвә қум һәм акоп һәм мудапиә қорғини болалайдикән. Танкиниң чақлириму үзүлүп кетидикән, айропилан атарни йәни зент топни тойота машиниға орунлаштуруп алсиму болуверидикән. Ливийидә уруш әнә шундақ давам қилди.

2011‏-Йили 8‏-айниң 21 күни президент обама: казафий һакимийитиниң ағдурулуш аламәтлири көрүлди. Ливийидә пүтүн хәлқниң әркинлик вә қәдир-қиммәт үчүн көрсәткән тиришчанлиқи, мустәбит һакимийәтниң төмүр муштидин қудрәтликтур, дәп көрсәтти.

Өктичиләр триполини игилиди. Өткүнчи комитетниң муавин рәиси җелил: 22-күни сәһәрдә әлҗәзирә телевизийисиниң зияритини қобул қилип, казафий ливийиниң символи иди, хәлқ казафийни ағдуруп ташлиди , ливийиниң йеңи дәври башланди, дәп көрсәтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.