Ular erkinlik üchün jeng qildi

Süriyide namayishchilarni basturush hazirghiche dawamlishiwatidu. Süriyining prézidénti asad bixeterlik qisimliri uzun'gha sozulghan 5ay ichide namayishchilarni basturush jehette ilgirileshke érishti,dep özining namayishchilarni basturush siyasitini aqlidi. Mana bu xitaygha oxshash mustebitning özining basturush siyasitini aqlishidur. Qarighanda asadning teqdiri kazafiyning teqdiri bilen oxshash bolup qalidighandek körünidu.

Liwiyide bashlan'ghan ichki urush 6 ay dawamliship kazafiyning mustebit hakimiyitini aghdurup , öktichi qoralliqlar paytext tripoligha ghelibe bilen kirip keldi. Kazafiy tuyuqsiz ghayib boldi.Kazafiy hakimiyitining yimirilishide nato xuddi bosiniye, kosowada ijabiy rol oynighandek, ijabiy rol oynidi.

Liwiye xelqi erkinlik üchün qoligha qoral aldi. Erkinlik izdep qoraldin oq atti. Liwiyide erkinlik bilen bir tal oq menidash bolup qaldi. Liwiye öktichiliri kazafniying 42 yilliq mustebit hakimiyitini aghdurup tashlidi.

Qoralliq öktichiler paytext tripoligha yéqinlashqanséri gaz turubilirini, néfit turubilirini partlitip kazafiy hakimiyitige iqtisadi jehette zerbe bérishni birinchi orun'gha qoydi.

Ichki urush tarixtin béri her qaysi döletlerde yüz bérip kelgen. Her qandaq urush iqtisadni upritish rolini oynaydu. Hazir liwiyide öktichiler iqtisadi nishanni yoq qilish bilen paytext tripolini qorshawgha aldi.

Liwiyining öktichi qoralliq qisimliri hem natoning herbiy qoral-yaraq yardimige érishti hem liwiye öktichiliri urush arqiliq liwiye hökümet armiyisining qorallirini tartip élip, özining qoralliq küchlirini qorallandurup urush qildi. Liwiyide öktichi qoralliqlaryushurunup yürüp urush qilghudek ormanliqlar we taghlar yoq idi. Gizi kelgende bir düwe qum hem akop hem mudapi'e qorghini bolalaydiken. Tankining chaqlirimu üzülüp kétidiken, ayropilan atarni yeni zént topni toyota mashinigha orunlashturup alsimu boluwéridiken. Liwiyide urush ene shundaq dawam qildi.

2011‏-Yili 8‏-ayning 21 küni prézidént obama: kazafiy hakimiyitining aghdurulush alametliri körüldi. Liwiyide pütün xelqning erkinlik we qedir-qimmet üchün körsetken tirishchanliqi, mustebit hakimiyetning tömür mushtidin qudretliktur, dep körsetti.

Öktichiler tripolini igilidi. Ötkünchi komitétning mu'awin re'isi jélil: 22-küni seherde eljezire téléwiziyisining ziyaritini qobul qilip, kazafiy liwiyining simwoli idi, xelq kazafiyni aghdurup tashlidi , liwiyining yéngi dewri bashlandi, dep körsetti.