Jang général néme deydu?

Haway yighini ayaghlashqandin kéyin, xitay rehberlirining hetta xitay muxbirlirining heddi-heriketliride bir xil özgirish boluwatidu.
Obzorchimiz sidiq haji rozi
2011-11-18
Share

Haway yighinda prézidént obama otturigha qoyghan xitay pulining kursini östürüsh, dunya soda teshkilatining nizamname, prinsiplirigha emel qilish toghrisidiki pikir-teleplirige, xitay hökümiti yaki undaq, yaki mundaq jawab qayturmay turuwaldi.

Sumurgh téléwiziyisi, merkizi téléwiziye istansisining 4‏-qaniligha chiqip munazire qilghuchilar, amérikining jenubiy déngiz mesilisige qaratqan siyasetliri, amérika we isra'iliyining iran'gha hujum qilmaqchi bolghanliqi, amérika prézidénti obamaning awstraliyini ziyaret qilghanliqi we awstraliyige herbiy orunlashturmaqchi bolghanliqi toghrisida xilmu-xil munazirilerde bolushti.

2011‏-Yili 11‏-ayning 17-küni junggogha nezer tor bétide élan qilin'ghan "Junggo 3‏-dunya urushi partlashqimu pisent qilmay iranni qoghdaydu" mawzuluq xewerning mezmunigha asaslan'ghanda, junggo dölet mudapi'e uniwérsitétining proféssori général jang "Yérusalém pochtisi géziti" ge söhbet bayan qilghanda, junggo 3‏-dunya urushining qozghilishighimu pisent qilmay, iranni qoghdaydu, dep körsetti. Lékin, xitay tor bet ezaliri :iranni qara basidiken, généralning söhbet bayani yaxshiliqning alamiti emes dep, körsitishti.

Jang général mundaq körsetti: amérika iraqqa hujum qildi, liwiyini ongushluq bombardiman qildi. Lékin iran, iraq emes, liwiye téximu emes. Iran 1milyon 6 yüzming kwadrat kilométir zémin'gha, 70 milyon ahalige ige, 750 ming kishilik 3xil armiyige ige dölet. Iran isra'iliye we amérikigha qoyup béreleydighan rakéta qorallirigha ige dölet. Jang général "Yérusalém pochtisi géziti" de yene mundaq dep körsetti: rusiye iranning yüzeki, junggo iranning yoshurun tüwrükidur. Jang général xitay bilen iranning munasiwitini bir éghiz söz bilenla ashkarilidi.

Bir chaghlarda xitayning ju chingxu deydighan générali "Bizning rakétalirimiz kaliforniyige yétip baralaydu" dégen idi. Emdi xitayning générali jang, junggo iran'gha yardem béridu, deydu.

Xitayning ichki qismigha kelsek, iqtisadi yimirilish girwikige yitip kélip, xitay hökümiti hazir iqtisadning bash qétinchiliqida qaldi. Xitay hökümiti hazir eski tamdin kések élip yéngi tam qopurup, iqtisad parakendichilikidin qutulmaqchi boluwatidu. Tor betlirining yézishlirigha qarighanda, 80milyon yürüshlük öy bikar qalghanmish. Bundaq ehwalda bankining béshi qatmamdu?

Mustebit hökümetlerning özgermeydighan bir qa'idisi shuki, weziyet jiddiyleshkende, puqralarning diqqitini bashqa terepke buriwétish arqiliq hakimiyetni saqlap qélishqa urunush-mana bu mustebit hökümetlerning özgermeydighan qa'idisidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet