Barin inqilabining 19 yilliqi we uning ehmiyiti

Hörmetlik oqurmenler, buyil 4 - ayning 5 - küni bolsa, eyni chaghda sherqiy türkistan ziminini lerzige keltürgen barin Uyghur dehqanliri qozghilingining 19 - yilliq xatire küni.
Obzorchimiz perhat muhemmidi
2009-04-03
Share
basturulghan-uyghurlar-305 Bu süret, uyghur élidiki xitay saldatlirining uyghurlarni basturuwatqan körünüshi, xitay yazghuchisi wang lishongning "méning gherbi diyarim, séning sherqi türkistaning" dégen kitabida bérilgen bolup, yazghuchi süretni bir uyghurdin alghan iken. Bu süretning qandaq ehwal astida tartilghanliqi, kimning, qaysi waqitta, nime arqa körünüshte tartqanliqini jezimlesh qiyin bolup, buni peqet, burun shinjangda yüz bergen bir heqiqi ehwal dep chüshendürüsh mumkin.
Source: Süret, "méning gherbi diyarim, séning sherqi türkistaning" dégen kitabitin élindi.

Barin inqilabi yüz bergen 1990 - yilidin buyan, chet'ellerde pa'aliyet élip bériwatqan Uyghur teshkilatliri, her yili 4 - ayning 5 - küni, bu tarixiy weqeni xatirileshni özlirining muhim kün tertiplirining biri qilip, özliri turiwatqan ellerde namayish qilish, axbarat - bayanat élan qilish, barin shéhidlirining rohi üchün mexsus mewlut ötküzüsh qatarliq xilmu - xil shekil we usullardin paydilinip, sherqiy türkistanning hazirqi zaman tarixidiki eng zor siyasi weqelerning biri hésablan'ghan barin qozghilingini xatirilep we yad étip kelmekte.

Mesilen, dunya Uyghur qurultiyining, barin inqilabining 19 - yilliqini xatirilesh munasiwiti bilen élan qilghan uxturushida, "barin inqilabini xatirilesh, barin shéhidlirini yad étish, xitay hakimiyitining barinda élip barghan qanliq qirghinchiliqigha naraziliqimizni bildürüsh we uni hör dunyagha anglitish bolsa, biz chet'ellerde yashawatqan barliq Uyghurlarning milliy mejburiyitimizdin ibaret " dep körsitilgen bolup, bu, eyni chaghda yüz bergen barin qozghilingining, Uyghur milliy herikiti ichide intayin chongqur tesir qaldurghanliqini körsitip turmaqta.

Yuqiridiki awaz ulinishidin, radi'omiz obzorchisi perhat muhemmidining bu heqtiki köz qarashlirining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet