Junggo tötinchi qedemde néme qilishi mumkin?

Kishilerge melumki, junggoni bügünkidek baywechche haletke keltürüp qoyghan dölet amérika idi. Amérikining junggogha yardem béri'ishi pütünley nsanperwerlikni asas qilatti. Medeniyet inqilabining apiti ichide qalghan junggo, tartquluqni tartip lékin attin chüshsimu téxi üzenggidin chüshmigen junggo, yardem izdep töt terepke telmürüp turghanda prézidént nikson yardem qolini uzitip xitay bilen diplomatik munasiwet ornitip, amérika 1980 - yillardin bashlap junggogha sodida étibar bérish siyasitini teqdim qilip xitayni hem siyasi hem iqtisadi halakettin saqlap qaldi.
Obzorchimiz sidiq haji rozi
2010.03.30

Sabiq prézidént klinton "aktip alaqide bolush" junggo siyasitini yolgha qoyghan bolsa, sabiq prézidént bosh "hemkarlashquchi, riqabetleshküchi" qoshumche ikki dölet otturisidiki soda - tijaret munasiwetlirini tekitleydighan junggo siyasitini yolgha qoyup, junggoning dunya soda teshkilatigha eza bolup kirishige yol tüzlep berdi.

Amérikiliqlar junggoning islahat siyasitige yardem berdi. Amérikiliqlar junggoni dunya soda sistémi'isigha élip kirdi. Emdilikte junggo, ding shiyawping belgilep bergen "aldigha chiqmasliq" siyasitidin waz kéchip, junggo,amérika munasiwitide qattiq meydanini padileshke bashlidi. Bu yillarning aldi - keynide junggo özini qaltis chaghlashqa bashlidi. Bolupmu gherb dunyasi iqtisadi qiyinchiliq dewrige kirip qalghandin kéyin, junggo özini "kücheydim" dep chaghlap gherb dünyasini zeyipleshti dep chaghlidi.

Xitayning xapiliqini peyda qilghan mesile eslide kona mesile - teywen mesilisi kona mesile, tibet mesilisi kona mesile, peqet gogul shirkiti weqesila yéngi, ikki dölet otturisidiki soda - tijaret mesilisi bolup, uningdin bashqa bu mesile söz - bare erkinlikidin baret qimmet qarashlirigha te'elluq nazuk mesile sezgür mesile bolup qaldi. Buning ichide tibet mesilisi, teywen mesilisi 20 - esirning 50 - yilliridin béri yaki amérika,junggo ikki dölet diplomatik muna siwet ornatqandin béri tekrarlinip kéliwatqan mesililer bolup, amérikining her nöwetlik prézidéntliri 20 - esirning 90 - yilliridin bashlapla tibet mesilisi boyiche oxshash heriketni tekrarlap keldi. Lékin junggo hökümiti, "qattiq naraziliq bildürimiz" dégendin bashqa héchqandaq herikette bolmighan. Teywen mesilisi hem shundaq.

Némishqa bu qétim bu ikki kona mesile junggoni bunchiwala xapa qilip qoydi.

2008 - Yili olimpik murasimining harpisida xitay mustemlikichiliri tibette qanliq qirghinchiliq qildi, 2009 - yili xitay dölet bayrimining harpisida xitay mustemlikichiliri ürümchide qanliq qirghinchiliqni yolgha qoydi. Bu xitayning qorqup ketkenlikimu yaki jem'yette wehime peyda qilip buningdin chongraq weqe yüz bérishning aldini élishmu yaki junggoning unwérisal dölet kuchini, milletchilik idé'ologiyisini gherb dunyasigha körsitip qoymaqchi boldimu?

Xitay hökümiti 21‏ - esir xitay esiri bolidu dégendek, eger junggo iqtisadi jehette mu'eyyen küchke ige bolup dawamliq tereqqi qilidighan bolsa, fashist mussolinning yolida méngishi kérekmu, mesilen, gétlér olimpik murasimi ötküzüshning aldi keynide yehudilarni qirghin qilishqa teyyarliq qilghandek, junggo olimpik murasimining harpisida tibetlerni qirghin qildi. 2 - Dunya urushining harpisida gétlér yehudilarni qirghin qilghandek, xitay hökümiti ürümchide Uyghurlarni qanliq qirghin qildi. Emdilikte démokratik dölet amérika bilen bolghan munasiwetni yirikleshtürdi. Junggo tötinchi qedemde néme qilishi mumkin?

Biraq, 2010 - 3 - ayning 30 - küni b b s mundaq xewer tarqatti: prézidént obama, xitayning washin'gtonda turushqa yéngi teyinlen'gen elchisi bilen körüshkende, junggo, amérika ikki terepning hemkarlishishi kéreklikini tekitlidi. Bayanatchi chin gang qollaydighanliqini bildürdi, amérikining da'imi mu'awin dölet shlar katipi sitanbérg ependi, amérikining tibet musteqilliqini qollimaydighanliqini qayta sherhilidi. Bayanatchi chin gang, öz ‏ - ara shinish we hemkarliq asasida sezgür mesililerni muwapiq bir terep qilishni tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.