Америка - җуңго мунасивити иллип қалдиму?

2010 - Йили 4 - айниң 5 - күни б б с "америка, җуңго пулниң обороттики қиммити мәсилисидә сода қилиштиму" мавзулуқ мақалисидә мундақ көрсәтти: вин җябав 3 - айниң 14 - күни хәлқ вәкилләр қурултийида "зорлаш билән пулниң қиммитини өзгәртишкә, мәҗбурлашқа җуңго қарши туриду" дегән.
Обзорчимиз сидиқ һаҗи рози
2010.04.06

Җуңгониң қаттиқ позитсийисигә дуч кәлгән америкиниң сияси әрбаблири: зорлаштин башқа усулниң йоқлуқини һес қилип йәткән. Һазир қарисақ, ‏ - дейилди мақалидә, ‏ - вақиәләр техиму осал йүзлинишкә тәрәққи қилмиди бәлки икки тәрәп туюқсизла өзлириниң мәйданидин бошап кетишти.

Җуңго пул бирлики сиясити комитетиниң әзаси ша бин 3 - айниң 30 - күни мухбирниң зияритини қобул қилғанда, хәлқ пулиниң обороттики қиммитини өстүрүдиғанлиқи тоғрисида сигнал тарқитип: җуңго наһайити тизлик билән перевот курсиниң турақсизлиқини әслигә кәлтүрүши керәк деди. Америка малийә министирлиқиниң министири гәйтнер 4 - айниң 2‏ - күни: президент обама һөкүмити, хәлқ пулиниң обороттики қиммитини өстүрүш бойичә, җуңгоға толуқ пурсәт беришни үмид қилиду дәп көрсәтти.

Гәйтнер, 4 - айниң 3 - күни америка һөкүмити җуңгони пулни контрол қилғучи дөләт қатариға киргүзүшни кечиктүрүп қарар қилидиған болди дәп җакарлиди.

Тәһлилчиләр, америка билән җуңго, пулниң қиммити мәсилисидә сода қилишти дәйдиған қиясларға охшимайдиған бир тәрәп шуки,икки дөләт рәһбәрлири телефонда сөзләшкән күни, иранниң ядро қораллири мәсилиси бойичә, тунҗи сөһбәт вәкили җелил бейҗиңда зиярәттә болувататти. Җелил мухбирға сөһбәт баян қилғанда, җуңго тәрәп билән сөһбәт өткүзгәндә, икки тәрәп бирдәк - иранни җазалаш күчтин қалди дәп қариди дәп көрсәтти. Баянатчи чин гаң мухбирниң бу тоғрида сориған соаллириға җаваб бәргәндә, җуңгониң мәйдани интайин ениқ вә изчил дәп көрсәтти.

"Бирләшмә сәһәр гезити"дә 4 - айниң 5 - күни: "америка җуңго мунасивитиниң иллип қелиши ялған иллип қелиш " мавзулуқ мақалә елан қилинди. Мақалидә америка, сабиқ тәйвән комитетиниң рәиси доглас паолниң, 1 - айниң 15 - күни мухбир камна арораниң зияритини қубул қилғанда, америка билән җуңгониң мунасивити бир - бири билән техиму йирақлишиш болуп ипадилиниду, тәйвәнгә һәрбий қорал - ярақ сетип бериш мәсилиси, далай лама мәсилиси, сода сүркилиши, гогул ширкити мәсилиси, хәлқ пулиниң обороттики қиммити мәсилиси қатарлиқ йеңи мәсилиләр яки кона мәсилиләрниң техиму гәвдилиниши, һәммиси әслидинла мустәһкәм асаси болмиған америка, җуңго мунасивитигә юпурулуп кәлди, дегәнликини нәқил кәлтүрди.

Дөләтләр оттурисида бир - биригә еһтияҗ чүшкәндә қилтириқлиқ гәп қилишни тохтитип, бир мәзгил өтүп кәткән һаман келәр басқучта йәнә ким, кимгә еһтияҗлиқ болуп қалиду? нөвәттә хәлқ пулиниң қиммитини өстүрүш мәсилиси америка, җуңго икки дөләт мунасивитигә көләңгә ташлап турған мәсилидур. Доглас паол ейтқандәк, әслидинла асаси аҗиз болған америка, җуңго мунасивити йәнә йеңи зиддийәтләрниң юпурулуп келишигә дучар болуши мумкин.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.