Xitay da'iriliri koriye yérim arilida néme ish térimaqchi?

3 - Ayning 24 - künide koriye déngizida jenubiy koriyining tyen'en belgilik paraxoti tuyuqsiz déngizgha chöküp kétip, koriye déngiz armiyisining 46 neper eskiri wapat boldi.

5 - Ayning 19 - küni jenubiy koriye tashqi ishlar ministiri bayanat élan qilip "nahayiti éniqki, shimaliy koriye ikki ay burun chöküp ketken, tyen'en belgilik paraxotning chöküp kétishini peyda qilghan dölet" dep körsetti.

Bayanatta, "amérika, en'giliye, awstraliye qatarliq döletler alimliri tekshürüsh élip bérip pakitlarni muqimlashturdi, tor pidogha ishletken partlitish dorisi, 7 yil burun shimaliy koriye herbiyliri ishletken tor pidoning partlitish dorisi bilen oxshash bolup chiqti" déyildi.

Dowiy tor béti 5 - ayning 19 - küni xewer qilip, aqsarayning bayanatchisi robirt gibs bayanat élan qilip "prézidént obama bu xil heriketni eyiblidi. Shimaliy koriyining tajawuzchiliq herikiti xelq'ara qanunlarni közge ilmaydighan bir xil heriket bolup, qobul qilghili bolmaydu. Bu xil heriket shimaliy koriyining xelq'arada yétim qélishini kéngeytidu. Koriyining qoshnilirining öz ‏ - ara hemkarliqini téximu kücheytip, rayonning bixeterlikini, tinchliqini qoghdash iradisini téximu chingitidu dédi" dep körsetti.

5 - Ayning 20 - küni yaponiye hökümiti, paraxot weqesini tekshürüsh doklati élan qilish munasiwiti bilen waqitliq yighin chaqirip, yighindin kéyin, yaponiyining weziri xatu yama ependi, shimaliy koriyini qattiq eyibleydighanliqini körsetti.

Yaponiye hökümitining bayanatida "yaponiye jenubiy koriyini qet'iy qollaydu, yaponiye xelq'ara jem'iyet bilen birlikte shimaliy koriyini qattiq eyibleydu" dep körsitildi. Bayanatta yene, "bu tewelikning bixeterliki, tinchliqi üchün yaponiye dawamliq amérika, jenubiy koriye döletliri bilen zich ittipaqlishidu" dep tekitlendi.

Li tyenshyaw ependi 5 - ayning 21 - küni büyük ira tor bitide maqale élan qilip mundaq körsetti "paraxot weqesining pash bolup qalghanliqidin junggoluqlarning xushal bolmighanliqi kishini chungqur oygha salidu. Bu weqening ashkara bolup qélishi, junggoning ikki koriyini "qoshup yéyish" taktikisini'ing ashkarilinip qalghanliqini körsetti. Shimaliy koriye bilen herbiy ittipaq tüzgen junggoning, jenubiy koriye bilen hemkarliq munasiwiti ornitishi, amérika, jenubiy koriye munasiwitige bir putini qoyushtin dérek béretti...."

Undaq bolghanda, xitay mustemlikichiliri koriye yérim arilida néme ish térimaqchi boluwatidu?

Kim jung'él 5 - ayning 3 - küni poyiz bilen dalyen'ge yitip kelgende wang jyarüy aldigha chiqip qarshi aldi,béyjinggha yitip kelgende shi jinping, dey binggo aldigha chiqip qarshi aldi. Da'imiy komitét ezalirining hemmisi uning bilen körüshti. 5 - Ayning 6 - küni xu jintaw ziyapet bérip kim jung'élni kütüwaldi. Déngizda paraxot chöküp kétish weqesi yüz bergendin kéyin,kim jung'él bilen xu jintawning béyjingda uchrashqanliqi kishilerni chongqur oygha salmamdu ?