Җуңго тәртипни бузаламду?

"Вәнви" тор битиниң 5 - күнидики хәвиригә асасланғанда, хитайниң азадлиқ армийә гезити" хитай армийиси хәлқара җандарма болмайду", "дуняви рәһбәр болмайду" дәп, өзини‏ - өзи алдап олтурғанда, "дуви "тор битидә елан қилинған "иш қилиш керәк, тәртипни бузуш лазим" мавзулуқ мақалисидә, луйи әпәндиниң :"җуңго һазир чоң дөләткә айланди...Иккинчи бир дөләткә беқинди болуп қелишниң һаҗити йоқ... Җуңго юмшақ баш әмәс" дәйдиған гәплири ғалҗирлиққа яндишип оттуриға чиқти: "бүгүнки җуңго бир аҗиз дөләттин, күчәйгән, қудрәтлик дөләт булуш йолиға қарап маңди...Район характерлик дөләт болуштин, дуняви дөләт болуш мусаписигә қәдәм ташлиди...Баш көтүргән дөләт сүпитидә, рәһбәр дөләт сүпитидә...Җуңгониң кәлгүси бүйүк истратегийисидә...Асия, тинч окиян истратегийисидә вә йәр шари истратегийисини өз ичигә алған истратегийә сестимиси болуши керәк...."

Луйи әпәнди мақалисидә йәнә: "җуңгониң қудрәт билән баш көтүрүшигә әгишип, америка, җуңгони юшурун риқабәтчи дәп таллап алғанда, җуңго риқабәтчи болимән яки болмаймән дәп ейталмайду" дәп көрсәтти.

Башта көрүп өткинимиздәк, "җуңго хәлқара җандарма болмайду" дейилди. Ким җуңгони "хәлқара җандарма " болушқа тәклип қилған болғиди? "җуңго район характерлик дөләт болуштин.... Дуняви дөләт булуш мусаписигә қәдәм ташлиди...." Дейилди. Дуняви дөләт болушниң тарихи мусаписи...." Дегән қандақ мусапә, у? " дуняви дөләт " булушниң шәртлири немә? "ялта йиғинида америка вә совет иттипақи сөһбәт арқилиқ кәлгүсидики җуңго - совет мунасивитиниң қурулмисини лайиһәлиди һәмдә сөһбәтниң нәтиҗисини җуңгоға ухтурди...." ("Рәқибләр вә иттипақдашлар" аптори америкилиқ җун гарвер 505 - бәт)
 
"Совет иттипақиниң... Җуңго билән донба дун кавчукзарлиқи йиғинида учришишни халимаслиқта... Һәқиқий ғәризи җуңгониң совет иттипақи, америка, әнгилийә үч күчлүк дөләт билән баравәр болуп қелишини халимаслиқтин ибарәт..." (юқириқи китаб 500 - бәт) қариғанда, чоң дөләт болуш җуңгочә оңай болсиму, лекин чоң дөләтләр қатариға кириш анчә оңай болмса керәк! җуңго бу тарихи мусапини җяң җеши дәвридила бесип кәлгән, гоминдаңни б д т дин чиқириветип, бүгүнки җуңгони б д т ға елип киргән дөләтму америка иди.

Дипломатик мунасивәт орнатқандин кейин америка, җуңгони дуня сода тәшкилатиға сөрәп кирип, 60 - йилларда һәрбий аптомобилни һайдиялмай өлүп кәткән ли фиңдәк әскәрләрдин тәшкилләнгән "азадлиқ армийә"ни, бүгүнкидәк америка армийиси билән үзәңгә соқуштуралайдиған, америка армийиси маневир қилса, дорап маневир қилалайдиған армийигә айландуруп қойғанму америка иди.

Җуңгониң баш көтүрүшигә, чоң дөләт болушиға америка һазирғичә қарши турғини йоқ. Немә үчүнки, җуңго мәтбуатлири йеқиндин бери андақәй, мундақәй дәп толиму һәсирәп - һөмүдәп кәтти.

Дуняви ишларда һәм җуңгониң ичидики ишлар мәсилисидә, җуңго, америка билән ба мәслиһәт иш қилиши керәк дейишиду кишиләр.

Җуңголуқлар көтүрүп чиққан, җуңгониң җаниҗан мәнпәәтигә четишлиқ, тибәт, "шинҗаң", тәйвән әмди йеқинда қошулған җәнубий деңиз тақим араллири қатарлиқ районлар, әмәлийәттә америкиниңму җаниҗан мәнпәәтигә четишлиқ районлар иди. Тәйвәнни америка армийиси азад қилған, "шинҗаң"ни хәлқара җәмийәт сталинниң қолидин еливелип, гоминдаң хитайлириниң қолиға өткүзүп бәргән яки қошуп бәргән. Әйни чағда "москва шинҗаңни җуңгониң земинидин айрип чиқип кәтмәкчи болған иди"(юқириқи китаб 204 - бәт)

Сиз, луйи әпәнди, мақалиңиздә : "америка, тәйвән боғузи, тибәт, шинҗаң қатарлиқ мәсилиләрдин пайдилинип, зиддийәт пәйда қилип җуңгони чәклимәкчи болуватиду" дәйсиз.

Тоқонақни ким чәккән болса, шу киши йишиши керәк, луйи әпәнди! мениңчә җуңгониң кеңәймичилик қилиш қара нийитигә чәк қойидиған вақит, җуңголуқлар өз қоли билән җуңгочә сотсиялизм тәртипини бузидиған вақит йетип кәлди.