Xitay, xelq'ara kishilik hoquq teshkilatlirini ürümchige bérip tekshürüshke ruxset qilishi shert

Emma, türmidin qoyup bérilgen yashlarning salametlikining bekmu nacharliqi, gep qilghudek ehwalining yoqluqi, bedenlirining köpkük bulup ketkenliki, bedenlirini yarilar bésip ketkenliki, qiynighanda toqmaq, tok kaltiki bilen urup, tayaq tekken yerge su chéchiwétip, tayaq zerbisi we sirtqi jarahetning ejellik zerbisi bedenning ichige ötüp kétip uzun'gha qalmay ölüp kétidighanliqi ayan boldi.

Tor bitige chaplan'ghan xewerde körsitilishiche : türmidin chiqqanlar shundaq sözlep bergen. Türmidin qoyup bérilgen yashlarning ichide 2-3 kün'ge qalmay ölüp ketkenlermu bar iken. Sirtqa chiqqandin kéyin doxturgha bérip özini körsetmeslik sherti bilen qoyup bérilgen bu yashlardin türmide körgen qiynash we bedinidiki tayaq izlirini bir kishige körsetmeslik toghrisida til xet élip, wedename yazdurup türmidin qoyup bergen. 3 Künde bir qétim saqchixanigha bérip özini melum qilip turushni buyrighan. Ismini ashkarilashni xalimighan bér neper saqchi tutulghanlarning köpliri ürümchi weqesige arilashmighan, ularning türmidin saq - salamet chiqishigha ishenchim yoq, dégen.

Eqelli shertler

1 - Xitay hökümiti eger bu xewerni yalghan deydighan bolsa, xelq'ara kishilik hoquq teshkilatliri, xelq'ara qizil krisit jem'iyitining tekshürüsh ömiki ewetishige qoshulushi, buning üchün dunya Uyghur qurultiyi xelq'ara kishilik hoquq teshkilatlirigha iltimas qilishi, xitay hökümiti teshebbuskarliq bilen xelq'ara kishilik hoquq teshkilatlirini ürümchige bérip tekshürüshke teklip qilishi shert.

2 - Xitay üchün asanla bér yol - tor biti alaqilirini, téléfon alaqe yollirini, uchur -  waste alaqe yollirini échiwétip weten ichidiki wetendashlarning halidin xewer élishqa, weten sirtidiki Uyghurlarning "bilish hoquqi"ni ishqa sélishqa yol qoyushi kérek. Weten ichi, weten sirtidiki Uyghurlarning xelq'ara nizamnamilarda belgilen'gen "bilish hoquqi" ni ishqa sélishigha yol qoyushi kirek déyishti Uyghurlar.

3 - Chet'el  - démokratik ellerde yuqiriqi xewerlerge ishenmeydighan kishiler bolsa, öz hökümetliri we parlamintlirigha yéqin bolup, ürümchide yétim qalghanlargha insanperwerlik yardimi bérishni telep qilip, "5 - iyul qirghinchiliqi"ni tekshürüsh toghrisida iltimas qilishni ümid qilimiz, déyishti Uyghurlar.

Yuqiriqi xewerning ishenchilik ikenlikige piqir obzorchining delillishi shuki,su,tamaq bermey ach qoyup qiynash we ach qoyup öltürush xitayning türme bashqurüsh en'enisidur. Men özüm türmide ach qoyup qiynashqa uchrighan idim. Uningdin bashqa tayaq zerbisi we sirtqi jarahetning ejellik zerbisini su chéchip tayaq yégüchining ichige uruwétish arqiliq adem öltürüsh - xitay saqchiliri bu wastini Uyghur namayishchilargha ishletken, bu kishiler ölüp kétidu, saqliyalmaydu. Shunga yuqridiki xewerning rastliqigha ishinishke bolidu.

Yéqindin béri yutup tor bitining we xitayning téléwiziyiliride körsitilgen körünüshlerge asaslan'ghanda: 7 - ayning 13‏ - küni ikki neper uyghür yigit qoligha qingraq élip saqchilargha qarap étilip kéliwatidu, ularning ata - anisi yaki ularning buraderliri xitay saqchilar teripidin basturulghan bolushi mumkin. Arqidin oq tegdi, bir yigit yiqildi, lékin ornidin dest turdi. Uyghur yigit! yene oq tegdi, emdi ornidin turalmidi. Ikkinchisige hem bir pay oq tegdi, yiqildi, lékin oxshashla ornidin dest turdi, Uyghur yigit ! yene bir pay oq tegdi... Emdi ornidin turalmidi!

Qehrimanliq dastanlirini kimler yazghan bolghiydi? uyghür yigitliri qehrimanliq dastanlirini kochida yéziwatidu, kochida!!!