Мукапат лю шавбоға берилдиму яки вен җябавға берилдиму?

Америка авазида 12 - күни елан қилинған селиштурма хәвәрниң мәзмуниға асасланғанда, куба, винсуиланиң дөләт рәһбәрлири бейҗиңни қоллап, люшавбониң мукапат елишиға қарши турди. Лекин бейҗиң бу қетимлиқ мукапатни қолға кәлтүрүш үчүн қанчилик тиришчанлиқ көрсәтти...? каллиси колдурлап кәткәнләр ойлап қоймамдикинә?! "2008 низамнамиси" йезилғандин кейин, тор бәтлиридә бир һәптиму туралмиди. Нәччә миң адәм қоллиди дейилди, қени бу адәмләр әмди?
 
Бу низамнаминиң адәмләрниң еңида һечқандақ тәсири қалмидиғу?

Русийә агенитлиқи 10 - айниң 10 - күни нопузлуқ обзорчи николай теротискиниң "нобил тинчлиқ мукапати тинчлиқ үчүн күрәш қилидиған қоралму?" мавзулуқ мақалисини елан қилди. Аптор мақалисидә нобил тинчлиқ мукапати комитетиниң бәш нәпәр әзасини тәнқидләп: "америка, нату, ғәрбий явропаниң бәлгилигүчи тәсиригә йолуққан" дәп көрсәтти. Русийә мәтбуатлири: "нобил тинчлиқ мукапати ғәрбниң сияси қоралиға айлинип қалди" дәп көрсәтти. Айлинип қалсиғу мәйлиди, мукапатни кимгә бериш мәсилисидә нобил тинчлиқ мукапати йәнә башқичә сияси қоралға айлинип қалди.

10 - Айниң 12 - күни "хәлқара ахбарат хизмәтчилири бирләшмиси" баянат елан қилип: "мукапатниң люшавбоға берилиши, җуңгода ахбарат әркинликини илгири сүрүшкә пайдилиқ" дәп көрсәтти. Әпсуски, җуңго мәсилиси бойичә мәндин бәтәр ахмақ адәмләрму яшайдикина, бу дуняда!

Җуңго ташқи ишлар министирлиқиниң баянатчиси ма чавшү: "мукапат елиш җуңгониң сияси түзүминиң нишаниға тәсир көрсәтмәйду", дәп көрсәтти. Мана бу гәп җиңда тохтайдиған гәп. Биз уйғурлар хитайни билимиз, романтик ғәрблилкләр хитайни билмәйдикән.

Нобил тинчлиқ мукапати кимгә берилди, лю шавбоғиму яки вен җябавғиму? мукапатни кимгә бериш елан қилинғучә вен җябав дөләт ичи вә хәлқара җәмийәттә болуп 8 қетим демократик сияси силаһат тоғрисида нотуқ сөзлиди. Ахирқиси америкиниң симлиқ телевизийисигә сөзләп бәргини - пикир әркинлики тоғрисида болуп, һәммидин муһим нотуқ иди. 300 Нәпәрдин артуқ хитай зиялийси хәт йезип, мукапатниң лю шавбоға берилишини үмид қилишти. Бу кишиләр хитай демократлири, хитай зиялийлири һесаблинамду яки бу кишиләр...(?)

2010 - Йили дуня уйғур қурултийи хәлқара җәмийәттә актип паалийәт қилған бир йил болған иди. Бу йил нобил тинчлиқ мукапатиниң уйғурларға берилиши еһтималға йеқин, бәкму йеқин бир иш иди.

7 - Айниң 8 - күни норвегийидә бир уйғур террор гумандари тутулди... Мән йенимдикиләргә уйғүрларға келиватқан нобил мукапатиниң йоли бүгүн тосулуп қалди, дедим.

7 - Айниң 9 - күни норвегийә даирилири қолға елинған әлқаидә әзалириниң америка вә әнгилийидики террорлуқ пилани билән четишлиқи барлиқини билдүрди. Көтүрүп қопалмиғудәк чоң гәпқу, бу?

9 - Айниң 28 - күни норвегийидә тутуп турулуватқан террор гумандарлиридин бери данийидики бир гезитханини партлитишни пиланлиғанлиқини етирап қилған дейилди.

9 - Айниң 30 - күни норвегийидики террор гумандарлиридин рашидин мәмәт (уйғур) һуҗум нишаниниң хитай икәнликини билдүргән дейилди....

Кейинки 7 күн нобил мукапатини кимгә бериш тоғрисида қарар чиқиридиған 7 күн иди. Хәлқара җамаәт пикри шундақ тәйярланди, бу пилан рашидин мәмәтниң пиланиму яки әлқаидәниң, яки хитай билән әлқаидә бирлишип шундақ пиланлиғанму?

Қериндишим, сизниңчә лю шавбо билән хитай һөкүмити башқа - башқа нәрсимиди, қайси демократ хитай уйғурларға көңүлдикидәк ипадә билдүргән иди?

Әпәндиләр, бу мукапатниң хитайға берилиши уйғурларни һесабаттин чиқириветиш болуп қаламду, йоқму? бичарә уйғурум, надан уйғурум, уйғурлар, уйғурниң дүшмини әмәс идиғу? нобил тинчлиқ мукапати люшавбоға берилгәндин кейин оңчи вә солчи хитайлар җим - җит болуп кәтти. Чүнки улар йеңивалди‏ - дә!

10 - Айниң 11 - күни ху җинтав ваң лечүәнни, шиняңдин лю шавбо ятқан түрмә җайлашқан җинҗу вилайитигә әвәтти. Лю шавбони җинҗудики түрмидин бейҗиңдики чинчең түрмисигә йөткәп кәлмәкчи болди... Ваң лечүән йөткәп кәлмәкчи болди... Бу немидин дерәк бериду қериндишим? 61 йил хорланған уйғурум һечқачан бүгүнкидәк хорланмиған иди.

Биливалдуқ, сениң маһийитиңниң әсли зади немә икәнликини толуқ биливалдуқ, дуня!!!