Xitay hökümranliri ghaljirlashtimu?

2010 - Yili 11 - ayning 10 - küni wenwiy tor bitining xewer qilishigha asaslan'ghanda, junggoluqlar üch yünülüshlük "qizil siziq sizip, kim bu siziqtin ötüp kélidighan bolsa, öltürimiz" deptu.
Obzorchimiz sidiq haji rozi
2010-11-15
Élxet
Pikir
Share
Print

Xitayning etrapida heqiqeten köp xil ishlar yüz bériwatidu. Qoral ishlitish toghrisidiki qiqas - chuqanlar qulaqning tüwidin ketmeydighan boldi. Towlap qoyush, warqirap qoyush, popoza qilish bu bashqa bir gep, "tinchliq dewride xeterni oylap, urush yolini tallap élishni estayidil oylinishqa toghra kélidu" déyish bu yene bashqa bir gep.

Qizil siziq, "1 - junggo her qandaq döletning her qandaq urush qilishidin qorqmaydu". Kim - kimge qarshi urush qilidu? pikir éniq emes. 60 Yildin béri deydu, aptor: "jungxwa xelq jumhuriyiti her qandaq dölet téngip kelgen her qandaq urushtin qorqmidi."

Bu yerde aptor bir az ashuruwettimu néme? ... "Qizil siziqtin kimdu béri ötkende dölitimiz yoqilidu, irqi yoqilish tehditige duch kélimiz ... Döletning nöwettiki weziyitide bu qizil siziqqa sherti toshidighanlar ... Üch rayonning musteqilliq telep qilishi bolup, buning ichide teywen musteqilliqi intayin jiddiy musteqilliqtur ... Döletning parchilinishi nahayiti éghir dölet xaraktérlik bohran keltürüp chiqiridu..."

Démisimu aptor dégendek, eger deyli, teywen shekli musteqilliqtin waz kéchip, qanunluq musteqilliqni qoghliship teywen arilida musteqilliq jakarlaydighanla bolsa, junggoda dölet yoqalmaydu. Emma, kommonistik partiye bir kéchide chak - chékidin bösülüp kétidu.

Tashqi mongghuliye musteqilliq jakarlighanda, xitayning dölet armiyisi, dölet partiyisi, gomindang hakimiyiti bir kéchide chak - chékidin bösülüp kétip, hakimiyet kommunist xitaylarning qoligha qalghan emesmidi?

Her qaysi döletler teywen junggoning bir qismi déyishidu. Bu peqet éghizdiki yel bolup, teywende xitay kommunistlirining bir neper eskirimu yoq. Yaki teywenning yéza - qishlaqlirida kommonistik partiyining ikki kishilik yachéykisimu yoq. Amérika teywenni yaponiyining qolidin élip chiqip, qéchip kelgen xitay jang jéshigha boshitip bergen kündin hésablighanda, teywende bir hakimiyet gomindang partiyisi bu aral dölitini bashqurup kelmekte. Teywen qandaqsige junggoning bir qismi bolidu emdi?

Meyli teywen'ge munasiwetlik amérika bilen tüzüshken shertnamilar bolsun, meyli teywen'ge munasiwetlik yaponiye bilen tüzüshken shertnamilar bolsun, shertnamilar, bayanatlar peqet shekildiki yazma höjjetler bolup, méning bilishimche, yaki amérikining dölet mejlisi, yaki yaponiyining parlaménti yaki teywenning memuri palatasi bu höjjetlerni te stiqlap qanun'gha aylandurghan emes. Undaqta,junggoluqlar némige asaslinip teywen junggoning bir qismi deydu? junggoluqlar shundaq dégenliki üchün, junggoluqlar teywenni azat qilmiz dégenliki, eger teywen musteqilliq jakarlisa, junggoluqlar qoral ishlitimiz dégenliki üchün xelq'ara jem'iyette teywen mesilisini nazuk mesilige aylandurup qoydi. Shunga, teywen musteqilliq jakarlighan haman chong quruqluqta kommunist partiyining hökümranliqi bir kéchide gumran bolidu. Chünki, teywen mesilisi boyiche kommunistlar puqralargha bergen wedisining höddisidin chiqalmighan bolidu.
 
Hazir chong quruqluqta teywen toghrisida néme, "wetenning birliki" deydighan qanunmu maqullinip boldi. Qarighanda qizil siziqmu sizilip boldi, teywen qachan qizil siziqtin ötüp kétidu dep saqlap turushqa hajet qanchilik idi? teshebbuskarliq chong dölet junggoning qolida turuptighu? eger, teywen junggoning bir qismi déyilidighan bolsa, u halda junggoda ikki partiye, ikki xil herbiy kuch, ikki xil hakimiyet mewjut bolup turghan bolidu. Atalmish junggo inqilabi ghelibe qilmighan, peqet mawzédung bilen jyang jéshining otturisida yüz bergen talash - tartishlarni ularning ewladliri dawamlashturuwatqan bolmamdu?

Teywen mesilisi junggoning térritoriyisi mesilisi emes, peqet isyan kötürgen kommonistik partiye, junggoning esli hakimiyet béshidiki partiyisi gomindang mesilisni bir terep qilish mesilisidur déyilidighan bolsa, undaqta teywen junggoning zémini hésablanmaydiken, teywende orun almashturup hakimiyet yürgüzüwatqan gomindang partiyisi we démokratiye tereqqiyat partiyisining her deqiqide musteqilliq jakarlash hoquqi bolidu.

Teywen'ge qizil siziq sizip bergenler, urush toghrisida qolaq tüwide dawrang qiliwatqan ademler shu waqitqa yetkende zadi qandaq qilghuluq?!

 
Toluq bet