' Sanga buningdin ésil pesil yoq, 2009 din ashmisun yéshing '

2009‏ - Yili junggo jem'iyitining siyasi qiyapitini yéngilash dewri bolup qalidu. Yéngilash we özgirish fonkissiyisining küchi hazirlinip boldi dep, bashlaydu erkin asiya radi'osi xitay bölümining obzorchisi lyu shawju ependi.
Obzorchimiz sidiq haji rozi
2008-11-28
Share

Birinchi, puqralarning namayish qilip kochigha chiqishi, ikkinchi iqtisadi kasatchiliq, üchinchi yuqiri qatlamda uwisida élishish. Üch xil küch bir - birige chirmiship ketken, bir - birini righbetlendürgen, bu küchni her qandaq kuch tosup qalalmaydu. Junggo puqralirining azap - oqubiti, achchiq - nadamiti jughlinip junggo jem'iyiti xuddi serengge chéqilsila ot tutishidighan quruq otun'gha aylinip qaldi.

Lyu shawju mundaq dawamlashturidu: pul - mu'amile kirizisi, iqtisadi kasatchiliq,dalida yan'ghan otqa oxshap qaldi. Wing'endin tartip - shinjin'ghiche, jishowdin tartip - shi'en'giche, chungchingdin tartip lung nen'giche pütün junggo zémini puqralarning siyasi sehnisige aylinip qaldi, biraq, lyu shawju ependi, mustemlike Uyghuristanning qeshqer ölkisi semen yolidin - mustemlike tibet lasaghiche dep tilgha almaydu. Büyük impériyilerning gumran bolushigha seweb bolghan mesililerning tégi - tektidin éytqanda milliy mesile, milletler mesilisige baghliq bolup kelgen tarixning pakitlirini lyu shawju ependi isidin chiqirip qoyghan bolsa kérek.

Mining qarishimche, mustemlike Uyghuristan bilen tibet mesilisi xitayni ong terepkimu, sol terepkimu salam qilidighan haletke keltürüp qoymighan bolsa, Uyghur bilen tibet mesilisi xitayni seddichinning ichige qaytip kétish tehditige giriptar qilip qoymighan bolsa, xitay, xitaygha telep qilghan démokratiyini bériwetken bolatti.

Xosh, lyu shawjugha qaytip kelsek, lyu shawju maqalini dawamlashturup mundaq körsetti: ammiwi xaraktérlik weqeler we heriketler zoriyishqa, kölemlishishke qarap tereqqi qildi. Birlishish, alaqilishish künsayin éniq boldi.Xu jintaw hökümiti birinchidin bix halitide yoqitish usulini tallap aldi. Ikkinchidin basturush wastisini tallap aldi. Tutashqan inqilabning otini basturush bilen öchürüshke bolattimu?

Bügün, changjyang déltisi we üch derya déltisida bir yürüsh karxanini we bir yürüsh zawutni qutqazghanda, bir derijilik yaman hésabat bankilargha qoshulidighan boldi. Birer zawut yaki birer karxana taqalghan haman bir türküm ishsiz ishchilar kochilargha chiqti. Bankilarning yaman hésabati bilen karxanilarning gumran bolup taqilishi otturisida, pul - mu'amile kirizisi bilen ishsizliq kirizisi otturisida bir partiye hökümranliqi sekratqa chüshti. Junggoda kishilik hoquq dése umu yoq boldi, qanun bilen dölet bashqurush dése bumu yoq boldi. Ademni - adem bashqurush dégendimu ademge oxshaydighan adem yoq boldi. Aldamchiliq, yalghanchiliq, rengwazliq, daghwazliqtin bashqa, xushametchilikni waste qilghan xiyanet qilmaydighan emeldar bolmaydighan bir jem'iyet elwette bu junggu jem'iyiti bolup qaldi.

Jem'iyetning siyasi qiyapitini özgertkende buzush bolidu we qurush bolidu. Puqralarning namayish bilen kochigha chiqishi kuch toplighanliqtur. Puqralarning puqralargha yardem bérishi yéngi exlaqni turghüzghanliqidur. Qisqisi bir jümle söz bilen éytqanda, junggo jem'iyiti quruq otun'gha aylinip qaldi. Merkez - jungnenxey aza - muza sözleshke bashlidi deydu, lyu shawju ependi.

Puqralarning kochigha chiqishining qétim sani ashqanda jem'iyet siyasi özgirish dewrige kirip kélidu, waqit 2009‏ - yilidur! lyu shawju néme démekchi bolidu? " mustemlikichi xitaylargha buningdin ésil pesil yoq, 2009 din ashmisun yéshing " démekchi bolidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet