Qizil rawaqta chüsh körüwatqan xitaylar

Amérikidin éship kétishning eqelliy shertliri herbiy ishlarda éship kétish we iqtisadi ishlardila éship kétishmu?

Eger xitaylar amérikidin éship ketmekchi bolsa, eqelliy teyyarlaydighan shertler awwal mundaq bolidu: 1-dölet exlaqi jehette éship kétish. Xitaylar éship kétishning bundaq shertlirini teyyarlighanmu? 2-dölet puqralirigha kengchilik qilish. Mustemlikiliri bu yaqta tursun, hetta özining xitay puqralirigha kengchilik qilishni xitay kommunist hökümiti hazirghiche oylap baqqanmu?

Dowi tor biti 7-ayning 14‏-küni “ Tekshürgüchiler éyttiki, xitay hazir amérikidin éship kétip dunyawi derijidin tashqiri chong döletke aylandi” mawzuluq maqale élan qilip, maqalide bundaq körsetti: bundaq köz qarashlar ,bolupmu gherbiy yawropada kéngiyishke bashlidi.

72% Fransiyilik,67% ispaniyilik, 65% en'gliyilik, hetta 61% gérmaniyilik xitay amérikidin halqip ketti, dep qaridi.

Meyli gherbiy yawrupaliq yaki sherqiy asiyaliq bolsun , xitay amérikidin éship ketti dégüchilerge, bu döletlerde iqtisadshunashlar yoqmidi désem toghra bolamdighandur?!

Démekchi bolghinim shuki, iqtisad hemishe, toxtimay, krizisqa yoluqmay dawamliq tereqqiy qilamdighandu? xitayning uniwérsal dölet küchi shunchilik éshiptu, bir milyardtin oshuq xitay puqralirining we mustemlikisi Uyghurlarning iqtisadi ehwali qandaqtur, döliti bay bolghan , puqraliri gaday bolghan döletni iqtisadta tereqqiy qilghan dölet déyishke bolamdighandu? mesilen, emgekchiler iqtisadi jehette emgek wasitilirining yeni turmush menbelirini monopol qilghuchilarning bashqurushida bolidu. Bu halet her xil shekillik qul bolush, iqtisadi namratliq , meniwi haqaret, siyasiy jehette béqindi bolup qélishning asasidur. Xitay hökümiti turmush menbelirini puqralarning öz ixtiyarigha qoyuwettimu, xitay puqraliri 30yilliq islahat jeryanida ishlepchiqirish wasitilirige özliri igidarchiliq qilalaydighan hoquqlargha érishtimu? iqtisadi jehettiki hoquqsizliq puqralarning jem'iyettiki ornini, mustemlike ellerde Uyghurdek milletlerning medeniyet jehettiki hoquqsizliqini hetta mustemlike milletlerning siyasiy jehette hoquqsizliqini belgilep qoyidu.

Xitay puqralirining iqtisadi teleplirining kapaletke ige bolmighanliqi, bolupmu xitayning mustemlikisi Uyghuristanda Uyghurlarning iqtisadi teleplirining kapaletke ige bolmighanliqi qatarliq ré'al mesililer xitaylarning aldida turghanda , xitayda döletning uniwérsal küchining ösüp bériwatqanliqi mustebit dölet küchining éship bériwatqanliqidin dérek bersimu, lékin xitayning her jehette amérikidin éship kétip dunyawi derijidin tashqiri döletke aylan'ghanliqidin dérek bermeydu.

Xitay özi tinch yol bilen bash kötürüsh dep tebir bergen xitay dölitining bash kötürüshi axirqi hésabta Uyghurlarni qirghin qilish bilen xitayning bash kötürüshi bolup hésablandi.