Ré'alliq we qiyas

Ré'alliqta yüz bergen weqe hadisilerning netijisini, kelgüsi tereqqiyatini ikki xil éhtimalliq bilen qiyas qilishqa, perez qilishqa bolidu. Mesilen, koriye déngizi, jenubi déngiz, sériq déngiz, yapon déngizida élip bériliwatqan herbiy manéwirining netijisini we kelgüsini qiyas qilishqa bolidu, töwende tonushturidighan maqale ene shundaq qiyas bilen yézilghan.

"...Chawshyen qan hidini purap qaldi...! Boshap ketti, amérika we koriyini izdep üch terep söhbiti ötküzmekchi boldi. Biraq, amérikining ret qilishigha uchridi" dep bashlandi maqalide.

Washin'gton "namliq, "karwinsin "namliq, "régan" namliq uch yürüshlük awi'amatka sherqiy shimali asiya déngiz yüzige yitip keldi.

Kéler yili yalujyang deryasigha bahar yitip kelgende, ishtin awwal junggogha uqturup qoyup, yawuz dölet chawshen'ge hujum qilishi mumkin. Uningdin kéyin chawshenni bir ay bombardiman qilishi mumkin. Chawshyen parallich bolup, chawshenni yugoslawiyige oxshash teslim qilip. Kim jung yungni, miloshiwichni textin chüshürgendek, textin chüshüridu " déyildi maqalide.

 "Bu ariliqta amérikining bir eskirimu chawshen'ge kirmeydu, 60 yil burunqidek junggogha, amérikigha qarshi turup chawshen'ge yardem qilidighan pursetmu yaritip bermeydu. Mubada junggo, yaponiye, koriyide qurulghan amérikining herbiy bazilirigha hujum qilidighan bolsa, amérika derhal junggoni pütün etraptin qorshawgha alidu. Amérika töt tereptin, jümlidin afghanistan, jenubiy koriye, yaponiye, teywen tereplerdin junggogha esker chiqirishi mumkin. Tashqi mongghuliye bolsa, ichki mongghuliyini ishghal qilidu. Rusiye fédératsiyisi shinjang we sherqi-shimalgha esker chiqiridu" dep körsitildi maqalide.

"Bu waqitqa yetkende junggo, yette bölekke, hetta toqquz bölekke parchilinip, jahan'gir döletlerge munqerz bolghan qul döletke aylinip qalidu" dep körsitildi maqalide.

1- Amérika yaponiyini junggoning déngiz boylirida sinaq qilip béqishqa köndürdi. 2- "Washin'gton" namliq awi'amatka sériq déngizgha kirdi. Junggo mu'awin wezir dey binggoni jenubiy koriyige ewetti... 3 -Amérika, yaponiye ikki dölet tarixta misli körülmigen derijide birleshme herbiy manéwir ötküzdi. Junggo ghiding- piding qilalmidi. 4- Yaponiye parlaméntning ikki neper ezasi senkako ariligha chiqti, junggo néme qilalidi? junggo urushtin qorqidiken, amérika we gherb dunyasi bilen urush qélishtin qorqidiken dégen xulase chiqirildi.

"Heriket yolgha qoyuldi. Amérikining üch yürüshlük awi'amatkisi sherqiy shimali asiya déngiz yüzige kirip keldi. Yalujyang deryasigha bahar yitip kelgende hujum qilip chawshyen mesilisini üzül-késil hel qilishi mumkin "dep körsitildi maqalide.

"Eger junggo 60yil burunqidek, amérikigha qarshi turup chawshen'ge yardem béridighan bolsa, amérika qandaq siyaset belgileydu?

Junggoning mesilisinimu chawshyen bilen birlikte hel qilidu. Chünki, junggoni xuddi sabiq sowétlerni parchilighandek yette bölek yaki toqquz bölekke parchilaydighan shert -shara'it alliqachan piship yétildi. Orunlashturush teyyarliqimu alliqachan pütüp boldi" déyildi > maqalide.

Amérika yetmekchi bolghan nishan:

(1) Négizlik nishan- iraqni urush bilen alghandek, chawshenni urush bilen élish.

(2) Mumkin bolghan nishan-chawshenni élish. Oxshashla bir waqitta junggoni parchilash.

Maqalining axirida mundaq körsitildi: amérika pütün küch bilen échiwétish, démokratiye dégenlerdin paydilinip, junggoning iqtisadi jan tomurini tizginlimekchi boldi. Sabiq sowétlerge qollan'ghan usulni qollinip, 20 yil waqit serp qilip, junggoni quruqdap qoyup, arqidin bir küchepla junggoda öy-imaret tijaritini köpükleshtürüp, junggoda mal bahasini örlitip, 2011-yili junggoni pütünley dawalghush ichige élip kirip, 2012-yili junggoni parchilashni ishqa ashurush" dep körsitildi maqalide.

"Tesewwur qilishqa jür'et qilghili bolmaydighan aqiwet...

...Junggoning iqtisadi amérikining iqtisadigha baghliwétildi... Xitay jasusliri, chet'elge qachquchi emeldarlar, yalingach" exlaq"liq yu qiri qatlamdiki emeldarlar ning türkümlep amérikigha köchmen bolup kétishi... Amérikining pütün junggoni pachiqigha baghliwélishi...  Junggogha bir térlyun dollargha yéqin zayom sétishi...Awi'amatkining sériq déngizgha kirishi...Bundaq ehwalda junggo, dey binggoni yérim kéchide oyghitip jenubiy koriyige ewetmise bolamdu?

Shundaq ehwalda, amérika üch yürüshlük awi'amatkini heydep changjyang deryasigha kirip kelsimu, junggo bir pay oq atalmaydu...

Qarighanda, amérikining chawshyen mesilisini hel qilish iradisi hergiz özgermeydu. Amérika oxshashla waqitta qolini boshitip junggoni parchilaydu. Junggo hazir tatliq uyquda uxlawatidu, körüp turup körmeslikke séliwatidu, yawropa, amérika jahan'girliki alliqachan junggoning görini kolap boldi. Oyghinayli junggoluq "déyildi maqalide.

Péqir obzorchi néme deydu, xuda sanga dégüzgendek bolar. Bir waraq qeghez, bir tal qelem bilen Uyghurning kishilik hoquq derdini dunyagha sözlep kelduq. Emdi ish séning déginingdek bolar deydu, péqir obzorchi. Medet ber allah,dunyaning qudretlik küchi amérikigha, medet ber allah!!! kona yilni uzattuq, yéngi yil kirip keldi, 61 yil ötüp ketti, zulum -sitemdin bashqa, xitay mustemlikichilirining zorawanliqidin bashqa, Uyghur xelqi, shuningdin bashqa her qandaq xowluq körmidi. Amérikigha medet ber allah!!!