Сүйиқәстму яки әмәлийәтму ?

2010-Йили 12-айниң 9- күни "бошүн" тор бити :" русийә мәтбуатлири, ғәрб дуняси җуңгони сабиқ советләрни ағдуруп ташлиғандәк, ағдуруп ташлимақчи "дәп көрсәтти мавзулуқ мақалидә :" һәқиқәт гезити" 12-айниң 9-күни мақалә елан қилип, ғәрб дуняси җуңгони сабиқ советләрни ағдуруп ташлиғандәк, ағдуруп ташлимақчи, лекин бу суйиқәст әмәлгә ашмайду..."Деди дәп көрсәтти.
Обзорчимиз сидиқ һаҗи рози
2010.12.14
Share on WhatsApp
Share on WhatsApp

Хәвәрдә көрситилишичә : бу йил нобел тинчлиқ мукапати омумйүзлүк талаш- тартиш қозғиди, нурғунлиған дөләтләр нобел тинчлиқ мукапати тарқитиш мурасимиға қатнашмайдиғанлиқини ипадә қилди, русийә мутәхәссислири ғәрб дуняси йәнила соғуқ мунасивәтләр уруши тәпәккур йолини бойлап, чарә-тәдбир издәп, җуңгониң баш көтүрүшини чәкләп, җуңгони сабиқ советләрни ағдурғандәк ағдуруп ташлимақчи болуватиду, лекин уларниң бу суйиқәсти әмәлгә ашмайду"дегәнимиш.

Пеқир обзорчи русийә мутәхәссислирини толиму әқиллиқ мутәхәссисләр дәп чағлайттим. Мутәхәссисләрниң есидә барду бәлким, сабиқ президент йилитсин һаят вақтида иордан дәрясиға чөмүлүп қирғаққа чиқип, "русийиниң йимирилиши тәқдирниң орунлаштурушидур " дәп көрсәткән. Бәндә сәвәб қилиши мумкин, лекин тарихниң өзгиришидә биринчи сәвәбниң ролиму зор болиду. Русийиниң йимирилишидә йилитсинниң көрсәткән дәлили бәлки аләмниң һәрикәт мизаниға уйғун болса керәк.

Бирақ, сабиқ советлар һөкүмити билән ғәрб дунясиниң соғуқ мунасивәтләр уруши дәвридә һәр қайси сәпләр бойичә мурәссәсиз елишқанлиқи инкар қилғили болмайдиған тарихтур. Бу чағларда җаһанниң қудрәтлик күчлири капитализм лагери, сотсиялизм лагери яки америка башчилиқидики ғәрб дуняси, сабиқ советлар башчилиқидики шәрқи явропа коммунизм лагери дәп атилатти. Һәрбий җәһәттә дуня нату вә варшава шәртнамиси дәйдиған икки чоң һәрбий лагерға бөлүнгән.

Икки лагер оттурисида йүз бәргән күрәшләргә яки ғәрб дунясиниң һәр қайси сәпләр бойичә сотсиялизм лагериға зәрбә беришлиригә бәрдашлиқ берәлмәй, сабиқ советләрниң сиясий системиси гумран болған болса, сөзсизки, бу бәр һәқтур. Шундақ әһвалда сабиқ советләрниң сиясий системиси гумран болған икәну, немишқа бүгүнки әһвалда хитайниң сиясий системиси гумран болмиғудәк? сабиқ советләрниң гумран болушида, "9 баһа " йезип, сабиқ советләрниң ривизонестлиқ һакимийәт қурулмисини тәнқидлигән хитай коммунистлириниңму қоли бар идиғу?

Әмди нөвәт хитайда коммунизм системиси йимирилиш дәвригә йитип кәлгәндә, русийә мутәхәссислири "суйиқәст әмәлгә ашмайду" дегәндин көрә, әмәлий иш қилип русийиликләр җуңгоға қуруп бәргән коммунизмлиқ һакимийәт системисини ағдурушқа һәссә қошуп, бу қетим әмди демократик җуңго қуруп чиқишқа ярдәм қилиши тамамән мумкин идиғу? сталинниң дости мав зедуң " советләрниң бүгүни бизниң әтимиз " дәп көрсәткән. Түнүгүн киримил қизил империйиси йимирилди, бүгүн әмди җуңгониң қизил империйиси йимирилсә болмамдикән?

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.