Junggoning urush ghaljirliqi nezeriyisi

"...2008-Yili dölitimiz dungfing -31belgilik rakétani sinaq qilishtin bir qanche kün ilgiri, amérikining ölchigüchi paraxutliri sériq déngiz tewesige yushurun kirdi...Amérikining ölchigüchi paraxotliri junggoning sherqi déngiz teweside arqa-arqidin peyda bolghanda, junggo paraxotliri gheyriy resmi uchrashti...Junggo paraxotliri uchur yollash sheklide bir qanche qétim signal bérip , pa'aliyetni toxtitishni telep qildi,déyildi maqalide.

"...Amérikining raziwétchi paraxutliri jenubiy déngizda ighwagerchilik qilip, weqe peyda qilghanda, nurghun kishiler hujum qilip chöktürüwétip, özimizni körsitip qoyushimiz kérek déyishti... Junggo déngiz armiyisining nöwettiki emeliy küchidin éytqanda, amérikining raziwét paraxutini chöktürüwétish héchqanche kuch telep qilmaydighan ish idi...Lékin junggo amérikining paraxotini chöktürüwetken haman amérika derhal junggogha urush élan qilatti...Chünki amérikining nöwettiki menpe'etidin éytqanda, bir meydan urush qilishqa intayin éhtiyajliq...Amérika urush qozghighanda özini adalet bilen ish köridighan dunya saqchisining ornigha qoyup, debdebilik bir bahanige- junggo awwal oq atsun deydighan bahanige éhtiyajliq bolidu... "Déyildi maqalide.

"...Yawropadiki bir qanche döletler gerche hazirqi zaman urushini qozghap bay bolghan ejdadlar hésablansimu, qedimqi dewrlerde neyzige tayinip,adem bidikchiliki bilen bay bolushni, urush bilen tawar shlepchiqirishni yéteklesh éhtiyaji yükseklikige kötürüp bay bolghan idi...Shundaq bolghanda urush bilen bay bolushning ülgisini yaratqan dölet yenila amérika alwastiliridur" déyildi maqalide.

Maqalide yene:amérika bir meydan urush qilishqa éhtiyajliq...Etrapigha qarap baqsa, yawrupa bilen urush qilishqa bolmaydu, ottura sherqte urush qilsa jénidin toyghanlargha duch kélidu... Koriyigimu chéqilghili bolmaydu... Janni qayriwétip urush qilidu...Sherqiy jenubi asiyadiki döletler amérikining dosti, néme dése gep anglaydu.
Qaldi hemde junggo. Hazir pul tépip bay boldum dewatidu. Hem jan kérek, hem pul kérek dewatidu... Amérika qulaq tüwige sélip tursimu , junggo yenila külüp turidighan dölet. Shunga prézidént obama qol astidikilerge körsitip junggoni talliwalduq , dédi.

...Armiyining urushqa teyyarliq qilishini jiddiyleshtürdi" dep körsitildi maqalide.

"...Amérika bu qétimqi toqunushdin paydilinip, milliy keypiyatni qozghap, axbarat organliri yölep turghuzghan démokratchilar...Milliy bölgünchilerdin paydilinip...2009-Yili junggoda siyasi dawalghush yüz bergende junggoni parchilash üchün siyasi gherezlirini ishqa salghan bir yil boldi...Siyasi jehettin qarighanda, junggoda iqtisadi krizisning yamanlishishi, junggoni siyasi dawalghushqa élip kiridighan bolsa, amérika we uning axbarat organliri yölep turghuzghan xitay döliti ichidiki xitaygha qarshi küchlerni tiz sür'ette heriketlendürüp, junggoni parchilashni yolgha qoyup...Renglik inqilab teshkillep...Junggo yene bir qétim belki bölünme haletke chüshüp qélishi... "Mumkin.

Eger junggo aptorliri amérika bu döletni yuqiriqidek toghra tehlil qilip, amérikining junggo siyasiti yuqiriqidek belgilinidighanla bolsa, peqir obzorchi hemmidin awwal qollighan bolatti. Junggoluq aptorlar birge eslep qoyayli! yapon'gha qarshi urush mezgilide amérikining qanchilik eskiri junggo terepte turup urush qilip qurban boldi. Urush mezgilide ne gomindang armiyisi, ne kommunistlar armiyisi bolsun, yaponiye armiyisige taqabil turghidek küchke ige bolghanmidi? bunimu qoyup turayli. Urush dewride gomindang hökümitining diplomatiye saheside qanchilik küchi bar idi. Hemmini amérika béjirip bérip, ne tarixi, ne siyasi, ne riyal jem'iyet asasi yoq junggoni bügünkidek"birlik"ke keltürüp, emdi qaraydighan bolsaq, bügün junggoluqlar amérikigha qarshi urush ghaljirliqining nezeriyisini kötürüp chiqalaydighan boldi. Eski bolsimu, eski bolup ketkendimu, insan bilen insan munasiwet qilghanda, hetta dölet bilen dölet munasiwet qilghandimu shu döletning qilghan yaxshiliqini untup qélish shu insanning insanliqidin dérek bermeydu.