Шинҗаң малийиси вә пиланлиқ туғут сиясити

“тәңритағ” тор бети 2011‏-йили 8‏-айниң 19-күни хәвәр елан қилип, “аптоном районлуқ малийә назаритиниң 2011-йиллиқ аптоном район бойичә ‛пиланлиқ туғут сияситигә маслашқанларға мукапат бериш тоғрисида уқтуруш‚ ниң роһиға асаслинип, йеқинда аптоном район малийиси 20 милйон 320 миң 950 йүән пул аҗритип, пиланлиқ туғут сияситигә маслашқанларға мукапат бериш хизмитини яхши ишлиди” дәп көрсәтти.
Обзорчимиз сидиқ һаҗи рози
2011.10.04

2011‏-Йили, 10‏-айниң 3‏-күни “тәңритағ” тори “шинҗаңниң малийә кирими шиддәт билән өсти, пуқралар интайин көп мәнпәәткә еришти” мавзулуқ хәвәр тарқатти. Хәвәрдә “бир нәччә йиллардин бери районимизға содигәр чақирип, капитал җәлп қилип, үстүнлүккә игә йәр асти байлиқини алмаштуруш үчүн көп тиришчанлиқ көрситиш нәтиҗисидә бу йил 1‏-айдин 8‏-айғичә, пүтүн аптоном районниң малийә кирими 6йүз 85 милйон 9йүз 90миң йүән болди”, дәп көрсәтти.

Кимни заңлиқ қилиду “шинҗаң малийиси”? бир өлкиниң малийиси аран шунчиликму? нефит чиқидиған, тәбиий газ чиқидиған, 138 хилдин артуқ рәңлик, рәңсиз метал чиқидиған “шинҗаң уйғур аптоном райони” ниң малийиси аран шунчиликмикина!!!

Юқириқи мисалда хитай мустәмликичилириниң мустәмликә уйғуристанда пиланлиқ туғут сияситини һәр йили чиң тутидиғанлиқи ашкара болди. Пиланлиқ туғут сияситигә маслашқан уйғур аялни туғмас қиливетиш, һамилидар болған җуганларни оператсийә қилиш, кечикип той қилишқа мәҗбурлаш, той қилиштин аввал бала туғмаслиқ тоғрисида тохтам түзүш қатарлиқ хитай мустәмликичилириниң туғутни чәкләш васитилири әмәлийәттә шәкли өзгәргән миллий қирғинчилиқ, уйғур миллитини қирғин қилиш сиясити дейишкә болиду. Шундақ тохтамға қол қойған уйғур аилиләрму, мәҗбурланған һаләттә қол қойғандиму, тарқатқан мукапатни қобул қилғанла болса, бу аилиләр ялғуз худаниң алдидила гунаһкар әмәс. Бәлки, милләтниң алдидиму гунаһкар болиду.

Малийиниң өскәнлики мәсилисигә кәлсәк, аптоном районға қарашлиқ бир нәччә назарәт, мәсилән, чарвичилиқ, деһқанчилиқ назарити, почта- телеграф, қатнаш назарити қатарлиқ назарәтләр биваситә хитайниң мәркизи һөкүмитигә баҗ төләйду. Ундақта юқириқи көпәйгән малийә қәйәрдин кәлгән?

Биңтуәнни мәркизи һөкүмәтниң мустәмликә уйғуристанда қурулған ширкити дейишкә болиду. Биңтуән боз йәр ачқанлиқи үчүн аптоном районға бир тийин баҗ төлимәйду, мәркәзгә төләйду. Күлкилик йери шу йәрдики, һәтта мәркәзгә қарашлиқ нефит ширкәтлири мустәмликә уйғуристанда йәр байлиқини ачқанлиқи үчүн, ечиш беҗини мәркәз төлимәйду бәлки ечиш беҗини аптоном район мәркәзгә төләйду. Ундақта юқириқи малийә қәйәрдин кәлгән малийә, у?! шинҗаң малийисигә киридиған пул уйғур пуқралиридин шилип елинған пул десәңларчу? уйғурлардин шилип елинған малийигә киргән пул арқилиқ, пиланлиқ туғутқа маслашқан үлгиләргә мукапат тарқитип бериш йоли билән уйғурларни өзиниң қоли арқилиқ нәсил қурутушқа риғбәтләндүрүш бу, гитлерчә газ билән өлтүрүшниң иккинчи бир хил шәклидур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.