Xitay kommunistliri xitabnamisi

Wu banggo, köp partiyilik tüzüm bilen shughullanmaymiz, idiyiwi pikirlerni köp menbeleshtürüsh bilen shughullanmaymiz, üch hoquqni ayriwétish bilen shughullanmaymiz, parlamént tüzümini yolgha qoymaymiz, junggoni fédiratsiyeleshtürmeymiz, junggoning iqtisadi qurulmisini xususilashturmaymiz” dédi.

Xitayning siyasiy tüzümi marksizmliq siyasiy tüzümmu yaki xitayning turmush en'enisidin kelgenmu? xitayning siyasiy en'enisi fé'odal hakimiyetchilik, a'iliwi hakimiyetchilik bolghandimu, bu xil en'ene xitaylargha mongghullarning dölet bashqurush en'enisidin, manjularning dölet bashqurush en'enisidin qalghan en'ene idi. Xitayda dölet bashqurushning marksizmgha te'elluq héchqandaq alametliri yoq idi.

Markis “Kommunistlar xitabnamisi” de, kommunistik inqilab-ötmüshtin miras bolup qalghan mülki munasiwetler bilen alaqini üzül- késil üzüsh dégen sözdur, kommunistik inqilabning öz tereqqiyati dawamida konidin miras bolup qalghan idiyiler bilen alaqini üzül-késil üzüshi ejeblinerlik bir nerse emes” dep körsetken. Undaqta xitay kommunistliri fé'odal hakimiyetchilik, a'iliwi hakimiyetchilik bilen dölet bashqurush en'enisidin néme üchün waz kechmeydu? éghizda marksizm emeliyette darwinizm, köp partiyilik siyasiy tüzümni ret qilish, idiyiwi pikirlerning köp menbelik bolushini ret qilish- ijtima'iy darwinizm bolmay yene néme? fé'odal hakimiyetchilik bolmay yene néme?

Marksizm 19-esir yawropa jem'iyitining mehsuli idi. Ademgerchilik menbelik shexsiyetchilik؛ romantik milletchilik, 19-esirning ikki chong siyasiy xahishi idi.

Biraq, bu ikki xil siyasiy heriket ijtima'iy, siyasiy, milliy mesililerni zorawanliq bilen hel qilishqa ishen'genliktin, aqiwette ikki xil siyasiy éqim tereqqiy qilip kommunizm we fashizmgha rawajlandi. Fashizm gérmaniyide otturigha chiqti, kommunizm rusiyide otturigha chiqti. Marksizm yawropadin asiyagha -xitaygha yötkelgende, kommunizmmu, fashizmmu xitay tupriqida yerleshti we xitay kommunistliri xitay impériyisini qurup chiqti. Shunga wu banggo ademlerde hazirqi zaman idiyilirining peyda bolushigha chek qoyup, “Idiyiwi pikirlerni köp menbeleshtürüsh bilen shughullanmaymiz” dédi.

Hazir dunyaning weziyitini belgiligen, ereb elliridin bashlan'ghan mustebit tüzümdin démokratik tüzümge köchüsh, démokratik oyghinish, démokratik yasimen herikiti we démokratik chaqiriq xitaygha yitip kelgende, xitay kommunistliri xelq wekiller qurultiyining bashliqi wu banggoning éghzi arqiliq, markis bilen in'glizning “Kommunistlar xitabnamisi”gha qarshi,“Xitay kommunistliri xitabnamisi”ni élan qildi. Marksizm- léninizmni éghizdin chüshürmey, emeliyette markisizm-léninizmgha qarshi heriket qilish, peqet xitay kommunistlirining qolidin kélidighan yüzsizlik we nomussizliqning alametliridur.

Wu banggo yene: “Xelq wekiller qurultiyi qanun tüzgende, partiyining rehberlikide ching turush lazim. Shundaq qilghanda kommunistik partiyining teshebbusi (siyasetliri) qanun tertipliri arqiliq döletning iradisige aylinip, bir gewdileshken jem'iyet emel qilidighan heriket qa'idiliri we prinsiplirigha aylinidu” dédi.

Undaq bolghanda, xitayda qanun bir partiyining iradisi bolamdu, xelqning iradisi bolmamdu, undaqta, partiye démek-qanun, qanun démek-partiye bolamdu. Bundaq ehwalda, bundaq tüzülgen qanun'gha xitayda yashawatqan her qandaq puqra qarshi turushqa hoquqluq!

Markis 1843-yili 1-ayda “Ré'al obyéktip munasiwetlerni chiqish qilghandila, andin herxil qanun we kishilik hoquq hadisilirini chüshendürgili bolidu” dep körsetken. Qarap baqayli, bügün marksizmni éghizdin chüshürmeydighan xitay kommunistliri néme qiliwatidu?

Partiye démek qanun, qanun démek partiye dewatidu.

Wu banggo ependi, yalghanchiliq, aldamchiliq bilen emdi xelqni aldighili bolmaydu. Xuda héchqachan sanga xitay kommunistlar impériyisi yimirilmeydu, dep wede bergen emes!