Sherqiy shimaldiki yenji kosowogha oxshap qalamdu?

So'al qoyup baqayliki, ochuq déngizda meshghulat élip bériwatqan jenubiy koriyining tyen'en namliq paraxotini chöktürüwétip ölüm- yétim paji'esi peyda qilghan kimler idi, qaysi dölet idi? 11-ayning 23-küni jenubiy koriyining tyenfing ariligha qirghaqtin zembirek étip ölüm-yitim paji'esi peyda qilghan kim idi, qaysi dölet idi? shimaliy koriye idi we bu muttehem döletning keynide qomandanliq qilghan dölet elwette "yer shari waqit géziti"ning tehrirlirige melumki, shimaliy koriyining keynide turup yol körsetken dölet junggo idi. Undaqta "yer shari waqit géziti" ning logikisigha asaslan'ghanda, shimali koriye bilen junggo birliship kimge, qaysi döletke urush élan qilghan bolidu? kim, qaysi döletler yérim aralda urush ötini yaqqan bolidu?

Tehlilchiler,‏- dep dawamlashturidu "yer shari waqit géziti", ‏- koriye yérim arilida urush partlighan haman san-sanaqsiz musapirlar yalujyang deryasidin ötüp manjuriyige yeni junggoning sherqiy shimaligha éqip kiridu. Bu musapirlar sherqiy shimalda urush qalaymiqanchiliqi peyda qilsa,junggo herbiy terep bixeterlik tedbiri qollansa, yugoslawiyide yüz bergen kosowo musapirliri weqesidek weqe yüz béridu. Aqiwette, gherb dunyasining junggoni "ademgerchilik apiti", "irqiy qirghinchiliq apiti" bilen eyiblishige bahane tépilip, netijide amérika, jenubiy koriye "birleshken döletler armiyisi" din paydilinip, yenji, changbeyshen rayonlirigha yitip kélip, ademgerchilik siyasiti boyiche ariliship, yenjide kosowogha oxshash bir musteqil dölet qurushni telep qilishi mumkin"dep körsetti.

Dunyada kosowogha oxshaydighan rayonlar xéli bar. Emdi bügün xitayning tili bilen sherqiy shimal, manjuriyide koriyilikler yashaydighan yenji bu qatargha qoshuldi.

"Waqit géziti" maqalining axirida: "amérika köp yillar hepiliship, junggoni ambur shekillik qorshawgha élishni tamamlap boldi we qorshash halqisini téximu qisqartti. Nöwette amérika, koriye, afghanistan mesililiridin paydilinip, junggoni gherb we sherq tereptin qistap istratégiyilik zerbe bermekte"dep körsetti.

Junggoluqlar hemmini bilip turidiken'ghu? jahilliq qilishqa zörüriyet qanchilik, junggoning ölüp ketken dölet bashliqi jyang jéshi, junggogha ikkinchi qétim bashliq bolup ölüp ketken maw zédüng eyni chaghda stalinning aldida quyruq shippanglitip, oxshashla tashqi mongghuliyining musteqilliqini étirap qilishqa mejbur bolghan idi. Néme sir bardu, junggoluqlar némishqa amérikiliqlar aldida erkileydighandu, némishqa mustemlike Uyghuristanda, tibette koriye yérim arilida toxtimay weqe peyda qilidighandu?

2009-Yili mustemlike Uyghuristanda qanliq qirghinchiliq peyda qilghan xitay hökümiti, bu yil koriye yérim arilida urush haliti peyda qildi.