Xitay bixeterlik xadimi gheyretning sirliq ölümi (2)

Uyghur aptonom rayonidiki xitay dölet bixeterlik nazaritining jasusluq xadimi gheyret nurmemet, bu yil 1 - ayda öyide tuyuqsiz ölüp qalghan. Uning tuyuqsiz ölümi gerche bir mehel ghulghula qozghighan bolsimu. Lékin xitay da'iriliri teripidin téz arida bésiqturuwétilgen.
Muxbirimiz gülchéhre
2010-09-15
Élxet
Pikir
Share
Print

Gheyretning ölgen yaki öltürülgenliki heqqide hazirche éniq melumat élish mumkin bolmisimu,  emma gheyretning yéqinda chet'elge qéchip chiqqan bir aghinisining ashkarilishi bilen mezkur bixeterlik xadimining sirliq ölümining heqiqeten gumanliq ikenliki, yeni 5 - iyul sirliri bilen munasiwetlik ikenliki barghanche su yüzige chiqmaqta.

Gheyret nurmemet, 36 yash, ürümchide tughulghan. Ürümchidiki Uyghur aptonom rayonluq qoralliq saqchi mektepni tamamlighandin kéyin, Uyghur aptonom rayonluq dölet bixeterlik nazaritide, siyasiy jinayetchilerni tutushqa mes'ul bashqarmisida 10 yildin artuq razwédka xadimi bolup ishlep kelgen.
 
Gheyret nurmemet 2010 - yili 1 - ayda tuyuqsiz öyide ölüp qalghan, xitay da'iriliri gerche bu sirliq jasusning ölüminimu menggülük sirgha aylanduruwétishqa urun'ghan bolsimu, lékin shahidlarning inkas qilishiche, uning sewebsizla ölüp qélishi, yüz qismi kökergen jesiti, bolupmu, muhimi uning ölüshtin ilgiri pushman basqan rohiy haliti hem xitay bixeterlikige alaqidar, yeni 5 - iyul weqesige munasiwetlik uchurlarni mestlikte aghzidin chiqiriwétishi hetta yighlapmu salghanliqigha oxshash weqeler uning ölümining undaq addiyla, tuyuqsiz ölüm ikenlikige guman turghuzidiken.
 
Undaqta shunche bigunah insanni, qérindashlirini "xitayning bixeterlikige tehdit" dégen guman bilen xitay hökümitining ölüm jazasigha, qiyin qistaqlirigha, adaletsiz hökümige tutup bérip közini chim qilmaydighan, wijdani azablanmay eksiche körsetken xizmitidin pexirlinip shuninggha tayinip jan béqip kelgen gheyret nurmemetning wijdanini oyghatqan, közidin yash aqquzghan qandaq bir küchlük seweb bolishi mumkin ? gheyret zadi qandaq adem idi?

Gheyretning sirliq ölümidin chöchüp özimu birer balayi qazaning yétip qélishidin qutulush üchün chet'elge qéchip kelgen gheyretning hazirche ismini ashkarilashni xalimighan aghinisi bu so'allirimizgha jawab béreleydu.

Gheyretning ürümchidiki özini ashkarilashni xalimighan yene bir tughqinimu oxshashla, gheyretning ölüp kétishtin ilgiri nahayiti zor idiyiwi küreshte qalghanliqini, buninggha uning 5 - iyulda körgen bilgenlirining tesir qilghanliqini qeyt qilidu.

"Dölet menpe'eti hemmidin üstün ", "yüzni xata tutsaqmu birining qéchip kétishige yol qoymaymiz", "üch xil küchlerni yiltizidin tazilap bash kötürmestin ujuqturumiz..." Dégendek prinsiplar bilen xitay hökümitige sadiq ishlep kelgen gheyret nurmemetning ölüshige ejeba uning adalet éngining anda - munda oyghinip, wijdani azabta qalghanliqi seweb boldimu yaki uning 5 - iyul sirlirini wezipe süpitide emes, belki özlikidin süretke éliwalghanliqi seweb boldimu ? undaqta u ölüshtin ilgiri bu mexpiyetliklerni aghzaki ashkarilighandin bashqa birersige tapshurdimu yoq ? qandaq bir terep qildi? bularning hemmisi yenila sir!  belkim, bu sirlarmu gheyretning tuyuqsiz ölüm weqesining barghanche roshenlishiwatqinidek, melum bir künlerde dunyagha ashkara bolsa ejeb emes?!

Yuqiridiki awaz ulinishidin, bu heqtiki melumatimizning tepsilatini anglaysiler.
 
Toluq bet