
bu yil 8-ayning 27-kuni exmetjan qasimi qatarliq rehberlerning paji'elik qaza qilghanliqigha 56 yil toldi. exmetja qasimi gerche buningdin 56 yil ilgiri wapat bolghan bolsimu, lékin uning yarqin simasi eyni waqittiki milli inqilab qatnashchiliri teripidin dawamliq eslinip kelmekte. uning hayati, teqdiri shuningdek kishilik xisliti uyghur xelqi ichide riwayet kebi sözlünüp kelmekte.
gerche exmetjan qasimi qatarliq rehberlerning 1949-yili, 8-ayning 27- küni ayropilan hadisisi bilen qaza qilghanliqi békitilgen bolsimu, emma milliy azadliq inqilab ishtirakchiliri buninggha taki hazirghiche ishenmey kelmekte.
milliy azadliq inqilabning tunji künliridin bashlap ishtirak qilghan, ghuljini azad qilish jengliri, jingdiki urushlarda we bashqa seplerde bolghan milliy armiye ofitséri ,yazghuchi mesümjan zulpiqarop ependi exmetjan qasimi qatarliq rehberlerni eslep, ularning pa'aliyetliri we milliy azadliq inqilabining ehmiyiti heqqide toxtaldi.
mesümjan zulpiqarop ependi öz pikirlirini xulasilap, meyli elixan töre we yaki exmetjan qasimi bolsun ularning hemmisining uyghurlarning milliy azadliqi üchün küresh qilghan xelq söygen rehberler ikenlikini, shuning üchün xelqning taki hazirghiche ularni söyüdighanliqi we qedirleydighanliqini tekitlidi.