Péshqedem tarixiy shahid we tetqiqatchi batur ershidinofning eslimiliri (4)

Bügün 8 - april küni, 1944 - yili, 12 - noyabirda ghuljida qurulghan sherqiy türkistan jumhuriyitining milliy armiyisining tesis qilin'ghanliqigha 65 yil toshti. Milliy armiye özining 5 yilliq mewjut bolup turush jeryanida köp qétim ghelibilik jenglerni qilip, ili, altay we tarbaghatay hemde aqsu we qeshqerning bir qisim jaylirini azad qilghan idi.

Muxbirimiz ümidwar
2010-04-08

Sherqi türkistan atliq qisimliridin bir körünüsh.

RFA

u0408-pmn.mp3

Milliy armiye ürümchini ishghal qilish aldida sowét ittipaqining bésimi bilen, manas deryasi boyida toxtap qalghan hemde 1950 - yili, xitay azadliq armiyisining 5 - korpusi qilip, özgertilip, axiri pütünley emeldin qaldurulghan.

Sherqiy türkistan milliy armiyisining adem sani köpeygende 40 minggha yetken bolup, 3 général hem nechche onlighan polkownik, podpolkownik shuningdek xéli köp sanda mayor we bashqa ofitsérlargha ige idi. Milliy armiye Uyghurlarni asas qilghan her qaysi milletlerning oghul-qizliridin terkip tapqan idi.

Mana shu qehriman milliy armiye Uyghurlarning 20 - esir tarixidiki shanliq shejerisi bolup qaldi.

Sherqiy türkistan inqilabi we armiyisi eyni waqitta sabiq sowét ittipaqi hökümitining qollishi hem yardimige érishken. Hazir almutida yashawatqan 84 yashliq sabiq milliy armiye ofitséri batur ershidinof öz eslimilirini teqdim qildi hemde sowét ittipaqining bu inqilab we armiyini qollighanliqi, kéyin mezkur inqilab we armiyini özliri nabut qilghanliqini otturigha qoydi.

Yuqiridiki awaz ulinishidin, bu heqtiki söhbitimizning tepsilatini anglaysiler.