ئالماتادا شەرقىي تۈركىستان مىللىي ئازادلىق ھەرىكىتى ۋە بارىن قوزغىلىڭى قۇربانلىرىنى خاتىرىلەش مۇراسىمى ئۆتكۈزۈلدى
2011.04.11
ﺳﯜﺭﻩﺕ، ﭘﯧﺸﻘﻪﺩﻩﻡ ﺗﺎﺭﯨﺨﯩﻲ ﺷﺎﻫﯩﺪ ﯞﻩ ﻳﺎﺯﻏﯘﭼﻰ ﻫﺎﺯﯨﺮ ﺋﺎﻟﻤﺎﺗﺎ ﺷﻪﻫﯩﺮﯨﺪﻩ ﻳﺎﺷﺎﯞﺍﺗﻘﺎﻥ، ﺳﺎﺑﯩﻖ ﻣﯩﻠﻠﯩﻲ ﺋﺎﺭﻣﯩﻴﻪ ﻛﺎﭘﯩﺘﺎﻧﻰ ﻣﻪﺳﯜﻣﺠﺎﻥ ﺯﯗﻟﭙﯩﻘﺎﺭﻭﻑ ﺋﻪﭘﻪﻧﺪﯨﻨﯩﯔ ﺳﯜﺭﯨﺘﻰ.
ئازادلىق ۋە مۇستەقىللىق ئۈچۈن كۈرەشتە قۇربان بولغانلارغا ئاتاپ قۇرئان ئوقۇلغاندىن كېيىن سۆزگە چىققان مىللىي ئارمىيىنىڭ سابىق ئوفىتسېرى، پېشقەدەم يازغۇچى مەسۈمجان زۇلپىقار، شۇنداقلا مىللىي ئارمىيىنىڭ ھايات شاھىتلىرىدىن رەشىدىن مەمەتنىيازوف ۋە ئابدۇغوپۇر قۇتلۇقوفلار ئۆز ئەسلىمىلىرىنى ئوتتۇرىغا قويدى. ئاندىن كېيىن سۆز ئالغان دۇنيا ئۇيغۇر قۇرۇلتىيىنىڭ مۇئاۋىن رەئىسى قەھرىمان غوجامبەردى شەرقىي تۈركىستان جۇمھۇرىيىتى ۋە ئۇنىڭ مىللىي ئارمىيىسى تارىخى ھەققىدە قىسقىچە توختىلىپ ئۆتتى.
ئۇ 1990-يىلى بارىندا يۈز بەرگەن قوراللىق قوزغىلاڭنىڭ كېلىپ-چىقىش سەۋەبلىرى ۋە ئۇنىڭ قانلىق باستۇرۇلۇشى، رابىيە قادىر رەھبەرلىكىدىكى دۇنيا ئۇيغۇر قۇرۇلتىيىنىڭ بۈگۈنكى كۈندىكى پائالىيىتى ھەققىدە ئەتراپلىق مەلۇمات بەردى ھەمدە بۇ تارىخىي ۋەقەلەرنى بۇرمىلاۋاتقان تارىخچىلارنى ۋە سىياسەتچىلەرنى قاتتىق ئەيىبلىدى.
رادىئومىز زىيارىتىنى قوبۇل قىلغان كۆرنەكلىك شائىر ئابدۇغوپۇر قۇتلۇقوف مىللىي ئارمىيىنىڭ تەقدىرى ۋە مەزكۇر مۇراسىمنىڭ ئەھمىيىتى ھەققىدە ئۆز قاراشلىرىنى ئوتتۇرىغا قويدى.
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان