رىزا سەمەدى: دادام زىيا سەمەدى پۈتۈن ھاياتىنى مىللىتىگە ئاتىغان ئىدى

يېقىندا قازاقىستان دۆلەتلىك رادىئو ئىشلىرى ئىدارىسى قارمىغىدىكى ئۇيغۇر تىلىدا رادىئو ئاڭلىتىش بۆلۈمىنى ئۇزۇن يىللار باشقۇرۇپ، شۇ يەردىن پېنسىيىگە چىققان ، پېشقەدەم جۇرنالىست يەنى، مەرھۇم يازغۇچى، مەدەنىيەت ھەم جامائەت ئەربابى زىيا سەمەدىنىڭ چوڭ ئوغلى رىزا سەمەدى ئەپەندى ئامېرىكىغا زىيارەتكە كەلگەندە، رادىئو ئىستانسىمىزغا قەدەم تەشرىپ قىلىپ، ئۆز مۇخبىرىمىز ئۈمىدۋارنىڭ زىيارىتىنى قوبۇل قىلدى.

0:00 / 0:00

غۇلجىدا تۇغۇلۇپ ئۆسكەن، ئۈرۈمچىدە ئالىي مائارىپ تەربىيىسى كۆرگەن رىزا ئەپەندى ئۆتكەن ئەسىرنىڭ 60 - يىللىرىدا قازاقىستانغا كۆچۈپ كەتكەندىن كېيىن، ئۆمۈر بويى رادىئو ساھەسىدە ئىشلىگەن ئىدى. ئۇ پېنسىيىگە چىققاندىن كېيىن، دادىسى زىيا سەمەدىنىڭ ئەڭ ئاخىرقى ئەسلىمە خاراكتېرلىق ئەسىرى " ئىستەك ۋە قىسمەت" نى نەشىرگە تەييارلاپ، ئوقۇرمەنلەر بىلەن يۈز كۆرۈشتۈردى.

يۇقىرىدىكى ئاۋاز ئۇلىنىشىدىن، ئۆز مۇخبىرىمىز ئۈمىدۋارنىڭ رىزا ئەپەندى بىلەن ئېلىپ بارغان سۆھبىتىنىڭ تەپسىلاتىنى ئاڭلايسىلەر.