Ray sinash netijiside 99% ke yéqin kishi Uyghurlargha ana til ma'aripi telep qildi

Muxbirimiz erkin
2013-11-21
Share

Yéqinda "Uyghurbiz" tori tor arqiliq Uyghur ana til ma'aripi heqqide ray sinash élip barghan. Ray sinashqa qatnashqan 98.6 Pirsent bilet tashlighuchi "Uyghurlarning özining ana til yeslisi we ana til mektipi bolushi kérek" dep qarighan.

"Uyghurlar öz ana til yeslisi we mektipi bolushqa éhtiyajliqmu-yoq" dégen tür boyiche élip bérilghan ray sinash pa'aliyitini "Uyghur biz tori" "Ündidar" da élip barghan. Ray sinash xitay tilida élip bérilghan bolup, ray sinashqa 22 ming 950 adem qatnashqan.

Ulardin 52.9 Pirsent bilet tashlighuchi "Uyghurlarning choqum öz ana til ma'aripi bolushi zörür" dep qarighan. 45.7 Pirsent bilet tashlighuchi "Uyghurlar öz ana til ma'aripining bolushigha éhtiyajliq" dégen. Peqet 1.4 Pirsent bilet tashlighuchi "Ana til ma'aripi hajetsiz" dep qarighan.

Xitay hökümiti 2004-yildin bashlap Uyghur ilidiki yesli, bashlan'ghuch we ottura mekteplerde "Qosh til ma'aripi" ni yolgha qoyup, Uyghur tilini siqip chiqarghan. Biraq bu Uyghurlarning izchil naraziliqini qozghap kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet