Уйғур елиниң шималида чарва малларда юқумлуқ кесәл тарқалғанлиқи ашкариланди

Хитайниң “синна”ториниң 23 - июндики хәвиридин ашкарилинишичә, үрүмчи, санҗи, шихәнзә, манас әтрапидики чарвичилиқ мәйданлирида юқумлуқ кесәл тарқилип қой қатарлиқ мал - чарвиларда туюқсиз өлүш әһвали көрүлгән.

Үндидар, ч ч қатарлиқ иҗтимаий таратқуларда чарвилар арисида тарқалған бу кесәлниң юқумлуқ туберкулйоз болуши мумкинлики вә һайванлардин адәмләргә юқудиғанлиқи тилға елинип, үрүмчи, шихәнзә қатарлиқ шәһәрлиридә вәһимә қозғалғанлиқи баян қилинған. Әмма һөкүмәт таратқулирида уйғур елиниң шималида йүз бәргән мал - чарвиларниң туюқсиз өлүш вәқәлириниң сәвәблиригә аит рәсими хәвәрләр тарқалмиғанлиқи инкас қилинмақта.

Үндидарда бу кесәллик һәққидә йолланған бир учурда, бу кесәллик билән юқумлинип өлгән бир қисим мал - чарвиларниң гөшлириниң хитай һаянкәш содигәрлири арқилиқ базарға селинғанлиқи, уйғурларниң базарда сетиливатқан әрзан қой гөшлиридин диққәт қилиши агаһландурулған. Бирақ, бундақ ишниң бар - йоқлуқи техи дәлилләнмигән.