Ички моңғул сияси кеңишиниң сабиқ муавин рәиси өлүмгә һөкүм қилинған

Мухбиримиз үмидвар
2017.05.29


26-Май күн ички моңғул аптоном районлуқ сияси кеңәшниң бир нәпәр сабиқ муавин рәисиниң өлүм җазси иҗра қилинған.

Шинхуа ториниң учуридин ашкарилишичә, хитай али соти ички моңғул аптоном районлуқ сиясий кеңәшниң сабиқ муавин рәиси җав липиң үстидин қәстән адәм өлтүрүш, пара йейиш, қанунсиз һалда қорал-ярақ вә оқ-дора сақлаш дегәндәк бир қатар җинайәтләрни турғузуп, униңға өлүм җазаси бәргән һәм 26-май күни шәнши тәййүән шәһәрлик оттура сот, али сотниң һөкүми бойичә буйруқ чиқирип, җав липиңниң өлүм җазасини иҗра қилған.

Хитай али соти җав липиңниң 2015-йили 20-март күни ички моңғулдики чифең шәһиридә бир аялни өлтүргәнлики, униң йенидин 49 пай оқ вә ян қорал чиққанлиқи, униң йәнә 2008-2010-йили ички моңғул җамаәт хәвпсизлик назаритиниң назири вақтидиму һоқуқидин пайдилинип, һәр хил йоллар билән зор миқдардики пулни қақти-соқти қилғанлқини бекиткән.

Көзәткүчиләрниң қаришичә, бу, хитай һөкүмити ички моңғул аптоном районини өз ичигә алған милли территорийәлик аптоном районлар қурған җайларда йеқиндин буян өлүм җазасиға учриған тунҗи сиясий кеңәш муавин рәиси һесаблиниши мумкин икән. Җав липиң хитай миллитидин болуп, 2005-2012-йили ички моңғул аптоном районлуқ җамаәт назаритиниң назири вә2012-2013-йили ички моңғул аптоном районлуқ сиясий кеңәш муавин рәиси болған.

Униң тәрҗимһалидин қариғанда, 65 яшлиқ җав липиң хитай али партийә мәктипи, хитай дөләт мудапиә университети, җамаәт хәвпсизлик университетида билим тәһсил қилған шуниңдәк у йәнә көзгә көрүнгән язғучи болуп, у бир қисим роман вә көплигән һекайә-повест һәм нәсрий әсәрләрниң аптори икән. У йәнә бир мәзгил ички моңғул әдәбият-сәнәтчиләр бирләшмисиниң рәисилик вәзиписини атқурған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.