Kishilik hoquq pa'aliyetchisi jyang tyenyung yoqap ketken

Roytérs agéntliqining éytishiche, xitaydiki tonulghan kishilik hoquq aktipi jyang tyenyung yoqap ketken.

45 Yashliq jyang tyenyung xitay hökümitini kishilik hoquq adwokatlirini tutqun qilish mesiliside tenqid qilip kelgen we shundaqla ema kishilik hoquq pa'aliyetchisi chén gu'angchingning dawasigha arilashqan biri bolup, u düshenbe küni hazir türmide yétiwatqan kishilik hoquq adwokati shé yangning changshadiki tughqanlirini körgili yolgha chiqqandin buyan héchqandaq iz-dériki bolmighan.

Uning ayali roytérs muxbirigha, yéqindin buyan jama'et xewpsizlik organliri bir qanche qétim uning we inisining öyige kélip ularni soraq qilghanliqini, shunga uni saqchilarning ep ketken bolushi mumkinlikidin ensirewatqanliqini éytqan.

Roytérs muxbirliri xitay jama'et xewpsizlik ministirliqigha téléfon qilghan, biraq ular buninggha jawab bérishni ret qilghan. Xitay tashqi ishlar ministirliqining bayanatchilirimu muxbirlargha ehwalidin xewiri yoqluqini éytqan.

Kishilik hoquq organliri shi jinping hakimiyetke kelgendin buyan xitaydiki kishilik hoquq adwokatlirigha qaritilghan bésim we teqib hessilep küchiyip ketkenlikini bildürüp, xitay hökümitini tenqid qilmaqta.