Президент трамп, хитайни пул курсини контрол қилидиған “баш чемпийон” деди
Америка президенти доналд трамп пәйшәнбә күни хитайни пул курсини контрол қилидиған дөләтләрниң “баш чемпийони” дәп көрсәтти. Ройтерс агентлиқиниң хәвәр қилишичә, президенти трамп бу сөзни 23-феврал ақсарайда ройтерс агентлиқиниң мәхсус зияритини қобул қилғанда дегән.
Президент трамп зиярәттә, хитайниң пул курсини контрол қилиши, җәнубий деңиз мәсилиси, хитайниң җәнубий корейәгә болған тәсири қатарлиқларни өз ичигә алған нурғун мәсилиләр һәққидә тохталған.
Президент трамп илгири президентлиқ вәзиписигә олтурған тунҗи күни хитайни пул курсини контрол қилидиған дөләт дәп елан қилидиғанлиқини вә хитай товарлириға 45% баҗ қойидиғанлиқини елан қилған. Президент трамп бу вәдисини һазирға қәдәр әмәлгә ашурмиған болсиму, бирақ у, ройтерс агентлиқиға өзиниң бу пикридә һечқандақ өзгириш болмиғанлиқини билдүргән.
Трамп, “улар (хитай) пул курсини контрол қилишниң баш чемпийони. Бу пикримдә өзгириш болмиди. Биз пәқәт қандақ болушини бир мәзгил көзитимиз” дегән. Президент бу сөзни қилған дәл шу күни, америка малийә министири стефин мумкин америка ахбарат васитилиригә бәргән баянатида, малийә министирлиқиниң бу һәқтики анализиға қарап бир қарарға келидиғанлиқини билдүргән. Америка малийә министирлиқиниң йиллиқ пул-муамилә анализ доклати һәр йили апрел вә өктәбир айлирида елан қилиниду.
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Қәшқәрдә лагерға адәм тутушта хизмәт көрсәткән сақчиниң қизиму 10 йиллиқ кесилгән
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Б д т кишилик һоқуқ алий комиссари бачелетниң хитай зиярити рәсмий башланди
