Хитай һөкүмити уйғур дияридики сиясәтлирини толуқ муәййәнләштүрди

Мухбиримиз әзиз
2020-12-28
Share

Хитай һөкүмитиниң уйғурларни бастуруши һәмдә зор көләмдә тутқун қилиши хәлқараниң қаттиқ әйиблишигә учраватқанда, хитай һөкүмити өзлириниң 2020-йили уйғур диярида иҗра қилған "чегра районни идарә қилиш тәдбирлири вә сиясәтлири" ниң ғайәт зор үнүм вә салмақ тәрәққятқа игә болғанлиқини җакарлиди.

"хитай хәвәрлири" ториниң 28-декабирдики хәвиридә ейтилишичә, өткән бир йилда хитай рәиси ши җинпиңниң "сәккиздә чиң туруш" асасидики "шинҗаңни идарә қилиш тәдбирлири" ғайәт зор утуққа еришкән. Хитай тарихшунаси шү җйәнйиң бу һәқтә мухбирниң зияритини қобул қилғанда "бу шинҗаңни идарә қилиштики өткән бәш йилда қолға кәлгән зор утуқ. Биз бу тәҗрибиләрни хуласиләп, кәлгүсигә тәдбиқлишимиз лазим," дегән.

Хәвәрдә алаһидә орун алған бир нуқта хитай һөкүмити бу қетимму "өткән үч йил тоққуз айда шинҗаңда һечқандақ терорлуқ вәқәси йүз бәрмиди. Демәк, бизниң әсәбийликниң вә терорлуқниң алдини елиш хизмитимиз иҗтимаий муқимлиқ яриталиди," дегән хуласини чиқарған. Шуниңдәк ‍уйғур дияриниң иқтисадий гүллиништә вә намратлиқни түгитиштә йеңи тәрәққиятларға игә болғанлиқини тәкитлигән. Улар буниңға мисал қатарида уйғур муқамлириниң обдан сақлиниватқанлиқи, археологийәдә зор "байқаш" ларниң барлиққа кәлгәнликини тилға алған.

Һалбуки, муһаҗирәттики уйғур анализчилар бу йәкүнләрни кәскин рәт қилип: "милйонларчә адәмни лагерға қамивелип, арқидинла җәмийәт муқим болди, дәп лап уруш учиға чиққан әхмәқлиқ" дейишмәктә. Йәнә бәзиләр болса уйғур яшлирини "мәҗбурий әмгәк" кә зорлашниң намратлиқтин қутулдуруш болмайдиғанлиқини, уйғур муқамлирини хитайчә ейтишқа мәҗбурлинишниң миллий мәдәнийәттики "тәрәққият" һесабланмайдиғанлиқини алаһидә тәкитлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт