“Omikron” wariyanti béyjinggha tarqalghan

Muxbirimiz eziz
2022-01-18
Share

Xitayning siyasiy, iqtisad we pen-téxnika merkizi bolghan béyjing shehri tajisiman wirusining “Omikron” wariyantining tarqilishi bilen pat-paraqchiliqqa chüshüp qalghan.

“Blumbérg xewerliri” ning 17-yanwardiki xewiride éytilishiche, omikron wariyanti nöwette béyjing, shangxey, shénjén qatarliq sheherlerde bayqalghan. Xitayning chaghan bayrimi yéqinlap kéliwatqan, shuningdek béyjing qishliq olimpik musabiqisigha üch hepte qalghan bir peytte, yéngi wirusning tarqilishi nöwette xitay da'iriliri üchün bir yéngi bash aghriqi bolmaqta iken. Gerche hazir yuqumdarlarning sani on nechche bolup, bu sanni bek köp dégili bolmisimu, emma ilgiriki yuqumning balayi-apetlirini untumighan kishiler üchün bu hal yenila bir zor qorqunchtin dérek bermekte iken. Hökümet da'irilirimu olimpik musabiqisining béliti awamgha sétilmaydighanliqi, peqet hökümet teshkilligen ömeklerning musabiqe körüshige bolidighanliqini uqturghan.

Xitay hökümiti hazirmu bu wirusning “Menbesi” ni sirttin izdewatqan bolup, béyjing sheherlik sehiye idarisidin pang shingxu bu heqte muxbirlargha söz qilip: “Tunji bimar chet eldin posulka tapshuriwalghandin kéyin yuqumlinip qalghan” dégen. Emma wirusning kéyinki yamrishi heqqide türlük texminler otturigha chiqiwatqanliqtin nöwette béyjing qishliq olimpik musabiqisining qandaq bolushi heqqide türlük pikirler tarqalmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet