"Los-anzhélis waqti" géziti Uyghur rayoni weziyitining "Xiyali normalliq" ikenlikini bildürdi

Muxbirimiz erkin
2020-12-18
Share

Amérikaning "Los-anzhélis waqti" gézitining muxbiri yéqinda Uyghur élini bir heptilik ziyaret qilip, nöwettiki Uyghur éli weziyitining "Xiyali normalliq" ikenlikini bildurgen. Mezkur gézitning muxbiri bu sepiride rayondiki bir qisim türme, tutup turush mezkezlirini, chéqiwétilgen meschit we qattiq bixeterlik astidiki karxanigha ozgertilgen lagérlarni sirtidin ziyaret qilghan. Xewerde tekitlishiche, ular ziyaret qilghan qeshqer, korla qatarliq jaylardiki birqanchilighan Uyghur yézisi qurughdinip qalghan bolup, öylerning ishiklirige "Bu öylerning igiliri uzun mezgil yoq bolghanliqi üchün quluplandi," dégen xetler yézilghan iken.

Xewerde korla sirtidiki bir yézida bir xitay emeldarining yerlikler bilen sözlishish "Bixeterlik mesilisini keltürüp chiqiridighanliqi" ni tekitlep: "Bu yerde puqralar bilen sözlishishke bolmaydu, tashqirida bizge da'ir bek köp selbiy xewer bérildi. Siler peqet biz orunlashturghan kishiler bilenla sözlishisiler," diégenlikini bildürgen.

"Los-anjzhélis waqti" gézitining "Yashishimizgha ruxset qilamdu?-shinjangda yighiwélish lagérliridin saq qalghanlar bilen sozlishish" namliq bu xewiride muxbir özining türmidin chiqqan Uyghurlar bilen sözleshkenlikini bildürgen. Xewerde qeshqerning kéchlik bazirida Uyghurlarning xitaylar bilen ariliship ketkenliki, ularning ürümchdiki nan muzéyida xéridarlarni nan tétip béqishqa teklip qilidighanliqi, sayahet orunlirida "Milletler ittipaqliqi" we "Hergiz ayrilmasliq" toghrisidiki naxshilarning éytilidighanliqi, "Da'irilerning shinjangda xiyali bir nomalliqni teswirlewatqanliqi" tektilen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet