Pelsepe penliri doktor aspiranti muxtarjan: tunji Uyghur pelsepe doktori abduréyimjan tursunni esleymen.

Ixtiyariy muxbirimiz haji qutluq qadiri
2014.06.29
Share on WhatsApp
Share on WhatsApp
abdurehim-tursun-305.png Uyghur alimi abduréhim tursun
misranim.cn


Uyghur diyaridin yétiship chiqqan tunji Uyghur pelsepe penliri doktori abduréyimjan tursun wapatining bir yilliqi munasiwiti bilen merhumni dunyaning her qaysi jaylirida yashawatqan qérindashliri, sawaqdashliri, pikirdashliri séghinish ichide eslimekte.

Pelsepe penliri doktori abduréyimjan tursun özining ajayip ijadiy emgekliri bilen Uyghur pelsepe tetqiqat tarixida öz izini qaldurup, 2013 - yili, 6 - iyul küni 40 yéshida wapat bolghan idi.

Pelsepe penliri doktori abduréyimjanning wapati munasiwiti uning ustazi, qirghizistan penler akadémiyesining akadémiki, ataqliq pelsepeshunas alim proféssor eziz narinbayéf, qazaqistan turan uniwérsitétining proféssori, tarix penliri doktori, ataqliq tarixshunas ablet kamalof, qazaqistan abay dölet uniwérsitétining proféssori, tilshunas we Uyghur medeniyet tetqiqatchisi ruslan arziyéf, qazaqistanda tonulghan yazghuchi awut mesimof we Uyghur élining ichi - sirtidiki bashqa ziyaliylar öz teziyelirini bildürüp, abduréyimjanning deslepki ottura esirler pelsepiwi pikirliri tetqiqatigha, jümlidin uning rus tilida neshir qildurghan “Deslepki ottura esir Uyghurlirining pelsepiwi idiyeliri” mawzuluq monografiyesige yuqiri baha bergen idi.

Doktor abduréyim tursunning wapatining bir yilliqi munasiwiti bilen merhumning eyni yillardiki mektepdéshi we shundaqla dostliridin biri bolghan yaponiye kyushu uniwérsitéti pelsepe penliri fakultétining doktor aspiranti muxtarjan abduraxman merhum doktor abduréyimjan tursunning hayati, ijadiyiti we kishilik peziliti toghrisida toxtaldi.

Pelsepe penliri boyiche doktor aspirant muxtarjan abduraxman abduréyimjan tursunning deslepki ottura esir Uyghur pelsepesini köp xil menbeler we nezeriyiwi bilim asasida sistémiliq, ilmiy rewishte tetqiq qilip, bu sahede bashlamchiliq rolini oynighan kespiy pelsepe mutexessisi ikenlikini bayan qildi, shundaqla özining merhum bilen 1990 - yillarda ürümchide sawaqdash bolup, dostliship yürgen chaghliridiki eslimilirini bayan qilip, abduréyimjanning tirishchan, güzel exlaq - peziletlik we aq - köngül bir insan bolghanliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.