Exmetjan qasimi: her bir tergen herip düshmen'ge oq bolup tegsun!

Ixtiyariy muxbirimiz oyghan
2014-06-22
Élxet
Pikir
Share
Print
exmetjan-bash.jpg
exmetjan-bash.jpg
Photo: RFA


Ötkenki esirning 40 - yilliri meydan'gha kelgen sherqiy türkistan jumhuriyiti musteqilliq, azadliq we barawerlik idiyilirini xelq ammisi arisida terghib qilish meqsitide öz metbu'atini rawajlandurushqa alahide köngül böldi. Bolupmu bu muhim ishqa hökümet rehberlirimu yéqindin arilashqan idi. Hazir almata shehiride ene shu gézit we jurnallarda xizmet qilghan kishilerni uchritishqa bolidu. Shularning biri 87 yashliq wapaxan iminhaji oghli qurbanof hazir almata shehiride istiqamet qilmaqta.

Wapaxan qurbanof ziyaritimizni qobul qilip, öz béshidin ötken kechürmishlirini otturigha qoydi.

U 1927 - yili qazaqistanning yarkent shehiride tughulghan bolup, ghuljidiki "Ümid" mektipide 5 - sinipni tamamlighan we a'iliwi ehwalning qiyinchiliqi tüpeyli 14 yéshidin tartip musabayéfning tére zawutida ishleshke bashlighan. U üch wilayet azadliq qozghilingi harpisida kéyin milliy armiye générali bolghan zunun téyipofni ikki qétim uchratqanliqini éytip, mundaq dédi:

1943 - Yili bizning öyge yéqin jayda serengge zawuti échilip qaldi. Shuningda zunun aka yighin échip, bu adem inqilab bolidighanliqini bilettiken. U, "Men ketkiliwatimen. Ornumda mijit musabayéf bolidu. Obdan ishlenglar, urushmanglar, talashmanglar!" dédi. Men zunun aka bilen bir melilik. Kéyin inqilab bashlinip ketti. Bir - ikki ay békargha qalduq. Kéyin eskerge alghili turdi. Méni eskerge chaqirdi, amma barmidim. Gézitqa ishqa kirip kettim. Bir az naborshikliqni ögendim. Méni bölüm bashliqi qildi. 1947 - Yili Uyghur gézitide az dégende 20 bala ishletti. Bu "Inqilabiy sherqiy türkistan" gézitining sirtida yene "Algha" géziti, "Ittipaq" zhurnali, "Herbiy nizamname" bar. Ziya semedi "Herbiy nizamname" bashliqi idi.

Exmetjan qasimi yaxshi emgiki üchün we sherqiy türkistan jumhuriyitining 3 yilliqi munasiwiti bilen metbe'e bayrimi küni, yeni 1947 - yilning 17 - noyabiride w. Qurbanofqa teshekkürname tapshurghan. W. Qurbanofning éytip bérishiche, gézitxanigha kelgen e. Qasimi mundaq dégen: "Silerning ish éghir, murekkep ish. Bir tal tergen heripinglar düshmen'ge bir tal oq bolup tegsun. Siler kélechek wetenning igisi. Obdan ishlenglar. Rexmet."

W. Qurbanof 1949 - yilning dékabir éyida exmetjan qasimining resimi bésilghan "Teqdirname" bilen mukapatlan'ghan. U, 1963 - yili qazaqistan'gha köchüp chiqip, her xil xizmetlerde ishlidi.

Toluq bet