Түркийидә нәшир қилинған тунҗи җуңғар тарихи

Түркийидә нәшир қилинған “җуңғар ханлиқиниң сияси тарихи” намлиқ әсәр, 5 қисимдин тәркип тапқан 136 бәтлик китаб болуп, китабниң ахирида көп санда җуңғар ханлиқи мәзгили аңлитилған хәритә вә рәсимләргә орун берилгән.

Тарихчи әкрәм қалан әпәнди әсиридә 17 - 18 - әсирдә оттура асия сияситигә зор тәсир көрсәткән җуңғар ханлиқиниң тарихини 5 қисимда баян қилған. Биринчи қисимда җуңғар ханлиқиниң қурулуши вә бу ханлиқниң қурған галдан башгот һәққидә тәпсили мәлумат берилгән. Иккинчи қисимда болса, галдан башгот хан вә униң ташқи сиясити тоғрисида мәлумат берилгән. Бу қисимда галдан башгот ханниң шәрқий түркистан сиясити темиси астида уйғурлар билән болған мунасивити баян қилинған. Бу қисимда йәнә җуңғар манчу урушиму баян қилинған. Үчинчи қисимда тсәвән аравдан хан, төтинчи қисимда болса галдансерен хан мәзгилидики муһим вәқәләр вә мәзкур хан елип барған сияси ислаһатлар баян қилинған. Бешинчи, йәң ахирқи қисимда галдансерен хан аләмдин өткәндин кейинки һоқуқ талишиш күриши вә җуңғарларниң халһа моңғуллири билән бирликтә манҗуларға қарши елип барған қозғилаңлири баян қилинған.