“Tarix we bügün” 2014-yili 12-yanwar

Pelsepe doktori abduréhim tursunning “Deslepki ottura esir Uyghurlirining pelsepiwi idiyiliri” namliq kitabning “Alem menzirisining éstétikiliq qobul qilinishi” namliq paragrafini tonushturush.

Pelsepe penliri doktori abduréhim tursun özining “Deslepki ottura esir Uyghurlirining pelsepiwi idiyiliri” namliq rus tilida neshr qildurghan ilmiy tetqiqat kitabining “Uyghur mutepekkurlirining ijtima'iy-pelsepiwi qarashlirining rawajlinish alahidilikliri” namliq ikkinchi babida deslepki ottura esirlerdiki buddizm basquchidiki Uyghur sha'irliri we mutepekkurlirining éstétik we exlaq qarashliri heqqide analiz yürgüzgen.

Abduréhim tursun mezkur babning tötinchi paragrafini “Alem menzirisining éstétikiliq qobul qilinishi”dep atighan. Bu paragrafta u pritya yashri, atsang, chisuya tutung, kiki, kelim keyshi qatarliq sha'irlarning éstétikiliq közqarashliri heqqide mulahize qilidu.

Alimning éytishiche, yuqirida ismi atalghan mutepekkur-sha'irlarning eserliride ularning statistikiliq ghayiliri bedi'iy-obrazliq shekilde izhar qilin'ghan. Shundaqla ular éstétika hem étika sahelirini baghlashturghan halda, teswirliniwatqan hayatqa özlirining meniwi-éstétikiliq bahasini béridu.