“Tarix we bügün” (2012-yili 4-noyabir)

“Uyghur” milliy nami astida tunji teshkilat “Uyghur jem'iyiti” 1919-yili, 2-féwralda almuta shehiride abdulla rozibaqiyéf bashliq 9 ademning qatnishishi bilen meydan'gha kelgen. Abdulla rozibaqiyéf bashliq mezkur “Uyghur jem'iyiti” ezaliri yettesudiki ili wadisidin köchüp chiqqan Uyghur ahalilirining arisida medeniyet-ma'aripni rawajlandurush, Uyghur milliy kimlikini tiklesh we kücheytish qatarliqlarni meqset qilghan idi. Uyghur jem'iyitining ezaliri tézdin köpiyip, 200 ge yetken hemde köp jaylarda tarmaqliri qurulghan.

Abdulla rozibaqiyéf Uyghur jem'iyitini qurushtiki meqsiti heqqide toxtilip, özlirini taranchi we qeshqerlik dep atap yürgen xelqlerning esli Uyghur ikenliki, mana emdi bu namlarni tashlap, ortaq Uyghur nami astigha toplinishi lazimliqini körsetken. Ikki neper ayalni öz ichige alghan 9 ademdin terkib tapqan bu jem'iyet tereqqiy qilip, 2 yildin kéyin, yeni 1921-yili 3-9-iyun künliridiki tashkent qurultiyining netijisi süpitide “Inqilabi Uyghur ittipaqi” ning qurulushida hemde Uyghur namining qeshqeriye we jungghariye hem türkistandiki altesheherlik we yaki qeshqerlik, taranchi dep atalghan xelqlerning ortaq milliy nami ikenlikining békitilishige asas bolghan idi.

Tepsilatini yuqiridiki awaz ulinishidin anglanglar.