“Tarix we bügün” (15 - yanwar)

“Tarix we bügün” sehipimizning bu yekshenbilik qisimda ottura esirlerde Uyghur qebililirining eng deslepte anatoliyige kélish tarixi, bu yerdin tépilghan arxé'ologiyilik qézilmilar heqqidiki melumatlar we 1940 - yillar tarixigha a'it eslimiler shuningdek merhum ziya semedining1930 - yilliridiki milliy azadliq heriket tarixigha béghishlighan tarixiy eslime xaraktérliq romani“Yillar siri”da bayan qilin'ghan tarixiy weqelerning dawami bilen tonushisiler.
Muxbirimiz ümidwar
2012.01.15
ziya-semidi-305.jpg Merhum ziya semedining süretliridin biri.
RFA File

Yéqinda türkiyining amatsiye wilayitide 11 - esirlerge tewe 8 yashliq bir qizning quruq jesiti tépilghan. Türkiye arxé'ologiye we tarix mutexessisliri bu quruq jeset tépilghan anatoliye, jümlidin amatsiye rayonining étnik tarixi tetqiqatini bashliwetti, ular bu jayda eyni waqitta Uyghur we bashqa türkiy qebililirining bu rayon'gha kelgenlikini otturigha qoymaqta. Bu heqte erkin tarim melumat teyyarlidi.

Almuta shehiride yashaydighan mexsut ibrayimof bu yil 87 yashqa kirdi. U özi we akisi hem dadisi 1940 - yillardiki milliy azadliq inqilabigha qatnashqan chaghistayliq kishilerdur. Uning bowisi nezerghoja abdusemetof 20 - esirning 20 - yillirida Uyghur tarixi tetqiqati bilen shughullan'ghan tunji Uyghur tarixchilirining biri idi. Akisi maxmut parmash bolsa exmetjan qasimining katipi bolup ishligen. Mexsut ibrayimof özining körgen - bilgenlirini almutadiki ixtiyari muxbirimiz oyghan'gha sözlep berdi.

Aptor “Yillar siri” namliq tarixiy romanning bu qismida 1934 - yili, xoja niyaz hajim ürümchige mu'awin re'is bolup kelgendin kéyinki weziyet, tunji nöwetlik ölkilik xelq qurultay yighini hem shéng shiseyning hile - neyrenglik siyasiy taktikiliri heqqide bayan qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.