"тарих вә бүгүн" (12 - феврал)

"тарих вә бүгүн" сәһипимизниң 12 - февралдики қисимда өткән әсирниң 1940 - йиллиридики миллий азадлиқ һәрикитигә қатнашқан тарихий шаһидларниң баянлири аңлитилғандин ташқири ахирида йәнә силәр уйғур һазирқи заман әдәбиятиниң намайәндилиридин бири мәрһум зия сәмәдиниң 1930 - йиллиридики миллий азадлиқ һәрикәт тарихиға беғишлиған тарихий әслимә характерлиқ романи"йиллар сири"да баян қилинған тарихий вәқәләрниң давами билән тонушисиләр.
Мухбиримиз үмидвар
2012-02-12
Share
ziya-semidi-305.jpg Мәрһум зийа сәмәдиниң сүрәтлиридин бири.
RFA File

Мәлумки, 1944 - йилидин 1949 - йилиғичә болған или, тарбағатай вә алтайдики миллий азадлиқ инқилабқа совет иттипақиниң қандақ тәсир көрсәткәнлики бу дәвргә аит тарихий тәтқиқатидики муһим бир темдиур. Бу һәқтә көплигән пикирләр мәйданға чиқти. Уйғур тарихий шаһидлири бу инқилабниң бешидила совәт иттипақиниң мәхсус хадимлириниң инқилабқа арилашқанлиқи, болупму сталин һөкүмитиниң бир қисим һәрбий мәслиһәтчи хадимларни әвәтип, шәрқий түркистан җумһурийитини сиясий, һәрбий вә башқа нуқтилардин қамал қилишқа тиришқанлиқини оттуриға қойиду, чүнки әйни вақитта әлихан төрә вә әхмәтҗан қасими қатарлиқ рәһбәрләр һәм хәлқ совет иттипақиниң ярдими вә езилгән хәлқләрниң миллий азадлиқини қоллаш шоариға ишәнгән иди.

Бу һәқтә сабиқ миллий армийә капитани мәсумҗан зулиқароф мухбиримиз ойғанниң бу һәқтики бир қатар соаллириға җаваб бәрди.

Атақлиқ язғучи зия сәмидиниң "йиллар сири" намлиқ романиниң бу бабида алдамчилиқ васитилири билән өлкиниң һакимийитини толуқ қолға киргүзүвалған шең шисәйниң "алтә бүйүк сиясәт" дегәндәк ялған шоарларни көтирип чиқип, әмәлийәттә астирттин қозғилаңчилар рәһбәрлири, миллий зиялийлар үстидин назарәт қилишни күчәйтишкә, рәсмийәт үчүн вақитлиқ берилгән азғина һоқуқларни қайтидин тартивелишқа тиришип, мустәбит сиясәтләрни әмәлгә ашурғанлиқи көрситилгән. Буниңда йәнә махмут муһитиниң уйғурларниң һоқуқлирини қоғдиши һәм униң шең шисәйниң алдам халтисиға чүшмәй ахирғичә елишқанлиқи баян қилиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт