«Тарих вә бүгүн» (2 - декабир күни)

«Тарих вә бүгүн» сәһипимизниң 2 - декабирдики қисмида силәр адвокат нури түркәлниң дуня уйғур қурултийи иҗраийә комитетиниң рәиси долқун әйсаниң америкиға келиш җәрянини чөридигән һалда уйғур мәсилиси һәққидә оттуриға қойған қарашлири, қумулдин тепилған қәдимки уйғур йезиқидики вәсиқиниң тепилиш җәряни һәм мәзмунлири һәққидә тәйярланған мәлумат шуниңдәк әнглийидики уйғур язғучиси әзиз әйсаниң «донай дәрясидин орхун бойлириғичә» мавзулуқ китабиниң мәзмунлирини аңлайсиләр.
Мухбиримиз үмидвар
2012-12-02
Елхәт
Пикир
Share
Принт
Дуня уйғур қурултийиниң иҗраийә комитети мудири долқун әйса әпәнди әркин асия радиосида. 2012-Йили 11-ноябир, вашингтон.
Дуня уйғур қурултийиниң иҗраийә комитети мудири долқун әйса әпәнди әркин асия радиосида. 2012-Йили 11-ноябир, вашингтон.
RFA


Буниңдин икки һәптиләр илгири дуня уйғур қурултийи иҗраийә комитетиниң рәиси долқун әйса әпәнди америка һөкүмитиниң рухсәт қилиши билән америкиға келип, бир қатар паалийәтләргә қатнашти һәмдә мунасивәтлик әрбаблар билән учришиш елип барди. Илгири америкиға киришкә рухсәт қилинмиған долқун әйса әпәндиниң бу қетим бу имканийәткә игә болушида бир қатар хизмәтләр ишләнгән иди. Долқун әйсаниң адвокатлиқини қилған америка уйғурлири җәмийитиниң сабиқ рәиси, адвокат нури түркәл әпәнди өзиниң бу мәсилә һәмдә уйғур мәсилисиниң хәлқаралишиши һәққидики қарашлирини оттуриға қойди.

« Донай дәрясидин орхун бойлириғичә» намлиқ китаб һәққидә сөһбәт

Әркин тарм тәйярлиди

«Донай дәрясидин орхун бойлириғичә» намлиқ китаб йеқинда шветсийидә нәширдин чиқти. Әнгилийидики уйғур зиялийси әзиз әйса әпәнди язған бу китаб 220 бәттин тәркип тапқан болуп, китабға 80 парчидин артуқ рәңлик рәсим киргүзүлгән. Китабни хәлқара қәләмкәшләр уйғур мәркизи 2012 - йили нәширгә тәйярлиған вә нәшир қилдурған.

Мәзкур китабниң мәзмуни «уйғур қәләмкәшләр садаси» намлиқ кичик темиға муҗәссәмләнгән болуп, уйғур қәләмкәшләр мәркизиниң 2011 - йилида һонларниң юрти венгирийидин уйғурларниң ата земини болған орхун бойлириғичә болған җайларда елип барған илмий паалийәтлири баян қилинған. Тарихий вәқәләрни арқа көрүнүш қилған бу әдәбий әсәрдә, уйғур язғучи, шаир вә илим әһлилириниң уйғур тарихиға, уйғур тил - әдәбиятиға, миллий маарипиға вә уйғурларниң бүгүнки вәзийитигә болған тарихий көз қариши баян қилинған. Китабниң аптори әзиз әйса әпәндиниң ейтишичә бу китаб уйғурларниң өтмүшигә қарап туруп бүгүнки әһвалини чүшинишкә һәмдә уйғурларниң тарихтин савақ елип кәлгүсини бәлгилиши үчүнму пайдилиқ икән.

Биз китаб һәққидә техиму тәпсили мәлумат елиш үчүн китабниң аптори әзиз әйса билән телефон сөһбити елип бардуқ.

Пикирләр (0)
Share
Толуқ бәт