"Tarix we bügün" (2 - dékabir küni)

"Tarix we bügün" sehipimizning 2 - dékabirdiki qismida siler adwokat nuri türkelning dunya Uyghur qurultiyi ijra'iye komitétining re'isi dolqun eysaning amérikigha kélish jeryanini chöridigen halda Uyghur mesilisi heqqide otturigha qoyghan qarashliri, qumuldin tépilghan qedimki Uyghur yéziqidiki wesiqining tépilish jeryani hem mezmunliri heqqide teyyarlan'ghan melumat shuningdek en'gliyidiki Uyghur yazghuchisi eziz eysaning "Donay deryasidin orxun boylirighiche" mawzuluq kitabining mezmunlirini anglaysiler.
Muxbirimiz ümidwar
2012-12-02
Share
dolqun-eysa-radioda-305.jpg Dunya Uyghur qurultiyining ijra'iye komitéti mudiri dolqun eysa ependi erkin asiya radi'osida. 2012-Yili 11-noyabir, washin'gton.
RFA


Buningdin ikki heptiler ilgiri dunya Uyghur qurultiyi ijra'iye komitétining re'isi dolqun eysa ependi amérika hökümitining ruxset qilishi bilen amérikigha kélip, bir qatar pa'aliyetlerge qatnashti hemde munasiwetlik erbablar bilen uchrishish élip bardi. Ilgiri amérikigha kirishke ruxset qilinmighan dolqun eysa ependining bu qétim bu imkaniyetke ige bolushida bir qatar xizmetler ishlen'gen idi. Dolqun eysaning adwokatliqini qilghan amérika Uyghurliri jem'iyitining sabiq re'isi, adwokat nuri türkel ependi özining bu mesile hemde Uyghur mesilisining xelq'aralishishi heqqidiki qarashlirini otturigha qoydi.

" Donay deryasidin orxun boylirighiche" namliq kitab heqqide söhbet

Erkin tarm teyyarlidi

"Donay deryasidin orxun boylirighiche" namliq kitab yéqinda shwétsiyide neshirdin chiqti. En'giliyidiki Uyghur ziyaliysi eziz eysa ependi yazghan bu kitab 220 bettin terkip tapqan bolup, kitabgha 80 parchidin artuq renglik resim kirgüzülgen. Kitabni xelq'ara qelemkeshler Uyghur merkizi 2012 - yili neshirge teyyarlighan we neshir qildurghan.

Mezkur kitabning mezmuni "Uyghur qelemkeshler sadasi" namliq kichik témigha mujessemlen'gen bolup, Uyghur qelemkeshler merkizining 2011 - yilida honlarning yurti wén'giriyidin Uyghurlarning ata zémini bolghan orxun boylirighiche bolghan jaylarda élip barghan ilmiy pa'aliyetliri bayan qilin'ghan. Tarixiy weqelerni arqa körünüsh qilghan bu edebiy eserde, Uyghur yazghuchi, sha'ir we ilim ehlilirining Uyghur tarixigha, Uyghur til - edebiyatigha, milliy ma'aripigha we Uyghurlarning bügünki weziyitige bolghan tarixiy köz qarishi bayan qilin'ghan. Kitabning aptori eziz eysa ependining éytishiche bu kitab Uyghurlarning ötmüshige qarap turup bügünki ehwalini chüshinishke hemde Uyghurlarning tarixtin sawaq élip kelgüsini belgilishi üchünmu paydiliq iken.

Biz kitab heqqide téximu tepsili melumat élish üchün kitabning aptori eziz eysa bilen téléfon söhbiti élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.