Профессор нәзәр: уйғурларниң өз тарихиға игә чиқалмаслиқи уйғур тибабитиниң дуняға йүзлинәлмәсликидики асасий сәвәбләрниң бири

Ихтиярий мухбиримиз әкрәм
2013-04-28
Share
muhemmed-omer-nezer-305.jpg Про. Др. Муһәммәд өмәр нәзәр әпәнди
RFA/Ekrem

27 - Април күни д у қ вә яврупа шәрқий түркистан бирлики тәшкилатиниң уюштуруши билән, түркийидин кәлгән про. Др. Муһәммәд өмәр нәзәр әпәнди германийиниң мюнхен шәһиридики дуня уйғур қурултийиниң паалийәт залида уйғурларға тиббий илимләрдин сават бәрди.

Бу паалийәт шәнбә күни кәч саәт 6:00 - 9:30 ғичә қәдәр давамлашти. Тиббий илимләрдин сават бериш икки хил түр бойичә елип берилди. Бири, бүгүнки медитсина илминиң тәрәққияти вә көп көрүлидиған кесәлликләрни давалаш. Иккинчиси, уйғур миллий тибабитиниң роли вә давалаш үнүми.

Бу қетимқи паалийәткә иштирак қилған уйғур җамаити про.Др. Муһаммәд өмәр нәзәр әпәндидин өзлири гириптар болған түрлүк кесәлликләр тоғрулуқ соаллар сориди. Нәзәр әпәнди заманиви тиббий илим вә уйғур миллий тибабити нуқтисидин бу кесәлликләрни давалашниң усуллири тоғрисида чүшәнчиләр бәрди.

Кишиләрни һәммидинму бәкрәк қизиқтурғини, бүгүнки тиббий илим дунясида йеңидин барлиққа келиватқан дора вә давалаш ретсиплириниң уйғур миллий тибабити тарихида қанчә миң йиллар илгирила қоллинилип келингәнликигә аит учурлар болди. Әҗдатлиримиз тарихта йәкүнләп чиққан давалаш усули вә ретсиплириниң һазирқи замандиму ролидин қалмиғанлиқи кишиләрни һәйран қалдурди.

Мюнхен шәһридә яшаватқан диний затлардин абдуҗелил әпәнди бу хусуста тәсиратини билдүрүп, өз әҗдатлириниң әқил - параситигә болған қайиллиқини изһар әйлиди. Мәркизи мюнхен шәһиридики яврупа шәрқий түркистан бирлики тәшкилатиниң муавин рәиси раһилә ханим болса, бу қетимқи лексийидин көп нәрсиләрни биливалғанлиқини тилға алди. У сөзидә йәнә, уйғур миллитиниң миллий сапасини юқири көтүрүштә аниларни сүпәтлик тәрбийиләшкә әһмийәт беришниң толиму зөрүрликини тәкитлиди.

Түркийәидә тибабәт илми билән шуғуллиниватқан про. Др. Муһәммәд өмәр нәзәр әпәнди паалийәт хатимисиддә зияритимизни қобул қилип, уйғур миллий тибати илми тоғрисидики соаллиримизға җаваб бәрди. У сөзидә, уйғур миллий тибабитини дуняға йүзләндүрүш үчүн, уни системилиқ тәтқиқ қилиш вә тонутуш лазимлиқини тилға алди. У йәнә, йиңнә билән давалаш қатарлиқ әслидинла уйғурлар кәшип қилған давалаш усуллири һәққидә тохталди.

Бу қетимқи паалийәткә қатнашқан уйғур җамаити ахирида, бу қетимқи лексийидин көп мәмнун болушқанлиқлирини изһар қилишти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт