Уйғурларниң түркийигә көчүш тарихиға 60 йил тошқанда

Уйғурларниң шәриқтин ғәрипкә шундақла өз юртидин түркийигә көчүши узун йиллиқ тарихқа игә. Әмма түркийидә өткүзүлгән хәлқаралиқ илмий муһакимә йиғинлирида түрк вә уйғур тарихчилири даим уйғурларниң 1949 - йили коммунист хитайлар шәрқий түркистанни бесивалғандин кейин һиндистан, пакистан вә афғанистан қатарлиқ дөләтләргә қечип чиққан.

Улар у дөләтләрдә бир қанчә йил турғандин кейин уйғурларниң өз вақтидики рәһбәрлири муһәммәд имин буғра вә әйса йүсүф алптекин қатарлиқларниң тиришчанлиқи билән түркийә һөкүмитиниң ярдимигә еришип, 1953 - йили түркийигә кәлгәнлики, шу қетимда 1850 шәрқий түркистанлиқниң түркийигә маканлашқанлиқи, нәтиҗидә уйғурларниң түркийигә көчүшиниң әнә шуниң билән башланғанлиқини баян қилишиду. Ундақта уйғурларниң түркийигә көчүши қачан вә қандақ башланған? бүгүнки күндә қандақ давамлишиватиду? дегәнгә охшаш соалларға җаваб тепиш үчүн бу һәқтә 2 парчә мақалиси елан қилинған һамут гөктүрк билән сөһбәт елип бардуқ.