uyghur xanim-qizliri arisidin yétiship chiqqan alimeler qatarida mexsus uyghur tarixini tetqiq qilidighanlarning sani bekla az bolsimu, emma ularning qazanghan netijiliri alahide közge chéliqidu. qazaqistandiki turan uniwérsitétining tarix dotsénti, doktor zulfiye kerimowa uyghur ayalliri arisida mexsus molla musa sayrami qatarliq 19-esir uyghur tarixchiliri we klassiklirining qolyazma eserliri üstide 20 yilgha yéqin waqittin buyan izchil tetqiq qiliwatqan tarixshunastur. zulfiye kerimowa yéqinda en'gliye alimliri bilen birlikte qazaqistandiki uyghur meshrepliri, enenisi we tarixi boyiche birleshme tetqiqatni royapqa chiqarghandin bashqa ilgiri –kéyin 50 parchidin artuq ilmiy maqalisi, bir qanche parche kitablirini rus, uyghur, qazaq we bashqa tillarda neshr qildurghan. u, uyghur tarixi mesililirige a'it 12 ilmiy tetqiqat layihesige qatniship uni orundighan.
1976-yili almuta wilayitidiki uyghur nahiyeside dunyagha kélip, pütün ma'arip terbiyesini uyghur tilida alghan zulfiye kerimowa almutadiki abay pédagogika uniwérsitétini püttürüp, 2000-yillarning béshida qazaqistan penler akadémiyesining sherqshunasliq instituti qarmiqidiki uyghurshunasliq merkizige xizmetke chüshüp, tetqiqat ishini shu yerdin bashlighanidi.
söhbetning tepsilatini töwendiki ulinishtin anglaysiler