Dunya Uyghur qurultiyi “9-Dékabir Uyghur irqiy qirghinchiliqi küni” de keng-kölemlik namayish qilishqa chaqirdi

Bérndin ixtiyariy muxbirimiz hebibulla izchi teyyarlidi
2023.12.06
D u q re'isi dolqun eysa yawropadiki türk axbarat organlirini heriketke ötüshke chaqirdi D u q re'isi dolqun eysa ependi 2-nöwetlik “Yawropa türk médiyasi aliy yighini” da söz qilmaqta. 2022-Yili 12-iyun, gérmaniye.
RFA/Erkin Tarim

12- Ayning 2- küni, dunya Uyghur qurultiyi omumiy wekiller yighini chaqirip, “ 9- Dékabir Uyghur irqi qirghinchiliqi” künide dunya miqyasida keng-kölemde namayish qilish chaqiriqi élan qildi. 

Bu heqte dunya Uyghur qurultiyi re'isi dolqun eysa ependi radiyomizning ziyaritini qobul qilip,“ 9- Dékabir Uyghur irqiy qirghinchiliqi küni” ni xatirileshning ehmiyiti heqqide toxtaldi.

Dunya Uyghur qurultiyining bu yighinida,  9-dékabir künini “Uyghur irqi qirghinchiliqi küni ” qilip békitilgenlikining bir yilliqi munasiwiti bilen, sherqiy türkistan dawasi we Uyghur xelqining musteqilliq arzusini  xelq'ara küntertipte tutup turush we hélihem dawam qiliwatqan Uyghur irqiy qirghinchiliqini toxtitish we xelq'ara jem'iyetke xatirilitish  üchün, muhajirettiki herqaysi teshkilatlar  dunyaning her qaysi jaylirida keng kölemde namayish we xatirilesh pa'aliyiti ötküzüsh qarari élindi.

“Uyghur sot kollégiyesi” ning bash sotchisi, ataqliq adwokat sir jéfréy nayis(Sir Geoffrey Nice) ependi sot hökümini jakarlimaqta. 2021-Yili 9-dékabir, london.
“Uyghur sot kollégiyesi” ning bash sotchisi, ataqliq adwokat sir jéfréy nayis(Sir Geoffrey Nice) ependi sot hökümini jakarlimaqta. 2021-Yili 9-dékabir, london.
RFA/Hebibulla

Dunya Uyghur qurultiyi mu'awin re'isi zubeyre shemsiddin xanimmu radiyomizning ziyaritini qobul qilip, “ 9-Dékabir Uyghur irqiy qirghinchiliqi küni” heqqide köz qarishini bayan qildi.

D u q ning omumiy wekiller yighinda élin'ghan qararlar boyiche, 9-dékabir gérmaniyening miyunxén shehiride keng kölemlik namayish élip bérish pilanlan'ghan؛  qurultay re'isi dolqun eysa bu munasiwet bilen qurultay tor téléwiziyesidin mexsus chaqiriq élan qilghan.

Buningdin bashqa,  11-dékabir küni amérika parlaméntida bu heqte mexsus yighin we axbarat élan qilish pa'aliyiti , yaponiye Uyghur jem'iyiti teripidin Uyghurlarni qollaydighan yaponluqlar bilen birge herqaysi sheherlerde nutuq sözlesh , teshwiqat waraqchilirini tarqitish we namayish pa'aliyetliri, londonda kishilik hoquq teshkilatliri bilen birge birleshme namayish, türklerge Uyghur irqiy qirghinchiliqini tonushturush yighini we 11-dékabir qanun mektipide Uyghur irqiy qirghinchiliqi heqqide melumat bérish pa'aliyiti, shundaqla, kanada, shiwétsiye , norwégiye, awstraliye , firansiye , bélgiye, shiwéytsariye , türkiye qatarliq jaylarda bu künni xatirilesh munasiwiti bilen her xil pa'aliyet we namayishlar ötküzülmekchi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.